મોરબીના લાલપર પાસે ઝડપાયેલ દારૂના ગોડાઉનના મેનેજરને પાસા હેઠળ જેલ હવાલે કરાયો
Morbi Today
મોરબીના પીપળી રોડેથી 8 બોટલ દારૂ બીયરના 21 ટીન સાથે ત્રણની ધરપકડ
SHARE
JOIN OUR GROUP
મોરબીના પીપળી રોડેથી 8 બોટલ દારૂ બીયરના 21 ટીન સાથે ત્રણની ધરપકડ
મોરબીના મહેન્દ્રનગર ગામથી પીપળી રોડ તરફ જવાના રસ્તા ઉપર પોલીસે દારૂની રેડ કરી હતી ત્યારે બાઈક ઉપર જઈ રહેલા ત્રણ શખ્સો પાસેથી દારૂની આઠ બોટલ અને બિયરના 21 ટીન મળી આવતા પોલીસે 29,500 નો મુદ્દામાલ કબજે કર્યો હતો અને ત્રણ શખ્સની ધરપકડ કરી આગળની કાર્યવાહી હાથ ધરી છે.
જાણવા મળતી માહિતી મુજબ મોરબી બી ડિવિઝન પોલીસની ટિમ મોરબીના મહેન્દ્રનગર ગામથી પીપળી રોડ ઉપર જવાના રસ્તા ઉપર હતી ત્યારે બાઈક નંબર જીજે 36 જે 4853 પસાર થઈ રહ્યું હતું તે બાઇક ઉપર જઈ રહેલા ત્રણ શખ્સોને રોકીને ચેક કરતા તેની પાસેથી દારૂની આઠ બોટલો અને બિયરના 21 ટીન મળી આવ્યા હતા જેથી પોલીસે દારૂ બિયરનો જથ્થો અને બાઈક મળીને કુલ 29,500 ની કિંમતનો મુદ્દામાલ કબજે કર્યો હતો અને આરોપી અમૃતસિંહ ધનુભા જાડેજા જાતે દરબાર (32) રહે. ભાગ્યલક્ષ્મી સોસાયટી વેજીટેબલ રોડ મોરબી, હિતેશ હસમુખભાઈ ખરચરીયા જાતે વાણદ (30) રહે. જૂની પીપળી મોરબી અને પ્રવીણ કેશુભાઈ પરમાર જાતે કારડીયા રાજપુત (28) રહે રામકો સોસાયટી ઘૂટું વાળાની ધરપકડ કરી હતી અને તેની સામે મોરબી બી ડિવિઝન પોલીસ સ્ટેશન ખાતે ગુનો નોંધીને પોલીસ આગળની કાર્યવાહી હાથ ધરી છે અને આ શખ્સો પાસેથી મળી આવેલ દારૂ બીયર તે ક્યાંથી લાવ્યા હતા તે દિશામાં પોલીસે તપાસ શરૂ કરી છે.
વૃદ્ધ સારવારમાં
મોરબીના રોહીદાસપરા વિસ્તારમાં રહેતા રવજીભાઈ ગોરાભાઈ મકવાણા (64) નામના વૃદ્ધ ભીમરાવનગરમાંથી બાઇક લઈને પોતાના ઘર તરફ આવી રહ્યા હતા ત્યારે રસ્તામાં બાઇક સ્લીપ થતા અકસ્માત થયો હતો જેમાં ઈજા થવાના કારણે વૃદ્ધને હોસ્પિટલે સારવાર માટે લાવ્યા હતા અને ત્યારબાદ આ બનાવની મોરબી બી ડિવિઝન પોલીસની જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.
મહિલા સારવારમાં
રાજકોટ ગોંડલ રોડ ઉપર સર્વિસ રોડ ઉપર અકસ્માતનો બનાવ બન્યો હતો જેમાં હીરાબેન દેવજીભાઈ સોલંકી (49) રહે. ગંગા ફોર્જિંગના ગેઇટ પાસે શાપર વેરાવળ વાળાને ઇજાઓ થતાં તેને પ્રથમ સારવાર માટે રાજકોટ અને ત્યાંથી વધુ સારવાર માટે મોરબીની શિવમ હોસ્પિટલ ખાતે લઈને આવ્યા હતા અને આ બનાવની મોરબી બી ડિવિઝન પોલીસને જાણ કરવામાં આવી છે.
