હળવદમાં બાવળની જાળીમાંથી દારૂની 30 બોટલ સાથે એક પકડાયો, એકની શોધખોળ

હળવદના આસ્થા રોડ ઉપર આવેલ મંદિર પાસે બાવળની જાળીમાં દારૂની રેડ કરવામાં આવી હતી ત્યારે સ્થળ ઉપરથી દારૂની જુદી જુદી બ્રાન્ડની કુલ મળીને 30 જેટલી બોટલો મળી આવી હતી જેથી કરીને પોલીસે દારૂ, મોબાઈલ તથા વાહન આમ કુલ મળીને 48,745 ની કિંમત નો મુદ્દામાલ કબજે કરી એક શખ્સની ધરપકડ કરેલ છે અને અન્ય એક શખ્સનું નામ સામે આવ્યું હોય તેને પણ પકડવા માટે તજવીજ શરૂ કરી છે.

જાણવા મળતી માહિતી મુજબ હળવદમાં આવેલ આસ્થા રોડ ઉપર મેલડી માતાજીના મંદિર પાસે હસમુખભાઈ ચાવડાની કબજા ભોગવતા વાડી વળીના પાસે બાવળની જાળીમાં દારૂનો જથ્થો હોવાની હકીકત મળી હતી જેના આધારે પોલીસ દ્વારા ત્યાં દારૂની રેડ કરવામાં આવી હતી ત્યારે સ્થળ ઉપરથી જુદી જુદી બ્રાન્ડની દારૂની કુલ મળીને 30 બોટલો મળી આવી હતી જેથી કરીને પોલીસે દારૂ તથા 5000 રૂપિયાની કિંમતનો એક મોબાઇલ ફોન અને 30,000 ની કિંમતનું બાઈક નંબર જીજે 36 પી 4647 આમ કુલ મળીને 48,745 નો મુદ્દા માલ કબજે કર્યો છે અને સ્થળ ઉપરથી આરોપી હસમુખ ઉર્ફે હસુ ખીમજીભાઈ ચાવડા (34) રહે વિશ્વ પાર્ક સોસાયટી કન્યા છાત્રાલયની બાજુમાં હળવદ વાળાની ધરપકડ કરેલ છે અને તેની પાસેથી મેહુલ રમણીકભાઈ ગોઠી રહે. કણબીપરા હળવદ વાળાનું નામ સામે આવ્યું હોય પોલીસે તેની સામે પણ ગુનો નોંધી તેને પકડવા માટે તજવીજ શરૂ કરી છે