મોરબીના ગાંધીચોકમાં ચલણી નોટ આધારે જુગાર રમતા બે શખ્સ પકડાયા

મોરબીના ગાંધીચોક વિસ્તારમાં ચલણી નોટના આધારે જુગાર રમતા બે શખ્સો મળી આવ્યા હતા તેની પાસેથી પોલીસે 2,000 ની રોકડ કબજે કરી હતી અને એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી છે.

મોરબી એ ડિવિઝન પોલીસ પેટ્રોલિંગમાં હતી ત્યારે મોરબીમાં ગાંધી ચોક પાસે ચલણી નોટના આધારે જુગાર રમતા બે શખ્સો મળી આવ્યા હતા જેથી કરીને પોલીસે તેની પાસેથી 2,000 ની રોકડ કબજે કરી હતી અને ઈદ્રીશભાઈ અબ્દુલભાઈ અજમેરી (38) રહે. કાલિકા પ્લોટ મોરબી અને શબ્બીરભાઈ ઉંમરભાઈ કુરેશી (22) રહે. સિપાહીવાસ કડિયાશેરી મોરબી વાળાની ધરપકડ કરી હતી અને તેની સામે એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધવામાં આવ્યો છે.

ઝેરી દવા પીધી

મોરબી તાલુકાના ધરમપુર ગામે રહેતો રાહુલ રામાભાઈ દેસાઈ (19) નામનો યુવાન કોઈ કારણોસર ઝેરી દવા પી લેતા તેને સારવાર માટે હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જણ કરતા પોલીસે બનાવની નોંધ કરી આગળની કાર્યવાહી કરી છે અને આ બનાવની આગળની વધુ તપાસ એ.એમ. જાપડીયા ચલાવી રહ્યા છે

મારા મારીમાં ઇજા

માળિયા તાલુકાના ચીખલી ગામે રહેતા આમીન જાનમહમદ (38) નામના યુવાનને અણીયારીથી માળિયા તરફ જવાના રસ્તા ઉપર આવેલા બંસી કારખાના નજીક મારામારીના બનાવમાં ઈજા થઈ હતી. જેથી સારવાર માટે જેતપરના સામુહિક આરોગ્ય કેન્દ્ર ખાતે લઈને આવ્યા હતા અને ત્યાં તેને સારવાર આપીને આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આગળની વધુ તપાસ વિજયભાઈ ડાંગર ચલાવી રહ્યા છે