મોરબીના ગૂંગણ પાસે મચ્છુ નદીમાં ડૂબી જવાથી સગીરનું મોત

મોરબી તાલુકાના ગૂંગણ ગામ પાસેથી પસાર થતી મચ્છુ નદીમાં કોઈ કારણોસર સગીર ડૂબી ગયો હતો જેથી તેનું મોત નીપજયું હતું ત્યાર બાદ તેના મૃતદેહને તેના પિતા મોરબીની સરકારી હોસ્પિટલે લઈને આવ્યા હતા અને ત્યારબાદ આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

બનાવની જાણવા મળતી માહિતી મુજબ મોરબી તાલુકાના ગૂંગણ ગામે રહેતો સંજય ધોળીયાભાઈ ભુરીયા (14) નામનો સગીર કોઈ કારણોસર ગૂંગણ ગામ પાસેથી પસાર થતી મચ્છુ નદીમાં ડૂબી ગયો હતો જેથી કરીને તેનું મોત નીપજયું હતું ત્યાર બાદ તેના મૃતદેહને તેના પિતા ધોળીયાભાઈ ભૂરીયા મોરબીની સરકારી હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટરે તેને જોઈ તપાસીને મૃત જાહેર કર્યો હતો અને ત્યારબાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના વી.એસ. ડાંગર ચલાવી રહ્યા છે

અકસ્માતમાં ઇજા

મોરબી તાલુકાના જાંબુડીયા ગામે રહેતા રોહિતભાઈ મનીષભાઈ ચૌહાણ નામના વ્યક્તિને મોરબી વાંકાનેર હાઇવે રોડ ઉપર આવેલ કુબેર ટોકીઝ પાસે વાહન અકસ્માતના બનાવમાં ઇજા થયેલ હતી જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની બી ડિવિઝન પોલીસને જાણ કરી છે

વૃદ્ધ સારવારમાં

મોરબીના વીસીપરા વિસ્તારમાં રહેતા જુમાભાઈ કાસમભાઇ સુમરા (78) નામના વૃદ્ધ બાઈકમાં વીસીપરા વિસ્તારમાંથી પસાર થતા હતા દરમિયાન તે બાઈકમાંથી કોઈ કારણોસર પડી જતા તેમને ઈજા થતા સારવાર માટે મોરબીની ખાનગી હોસ્પિટલમાં લઇ આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે