વાંકાનેર નજીક રાહદારી યુવાનને હડફેટે લઈને મોત નિપજાવનારા અજાણ્યા કાર ચાલક સામે ગુનો નોંધાયો
SHARE
JOIN OUR GROUP
વાંકાનેર નજીક રાહદારી યુવાનને હડફેટે લઈને મોત નિપજાવનારા અજાણ્યા કાર ચાલક સામે ગુનો નોંધાયો
વાંકાનેર ચોટીલા હાઈવે રોડ ઉપર ચંદ્રપુર નજીક શ્રીનાથજી વેબ્રિજ પાસેથી પગપાળા યુવાન રોડ ક્રોસ કરી રહ્યો હતો ત્યારે તેને અજાણ્યા કાર ચાલકે હડફેટે લેતા અકસ્માત થયો હતો જેમાં યુવાનને માથા તથા જમણા પગમાં ગંભીર ઇજા થયેલ હતી જેથી તેને સારવાર માટે રાજકોટ સુધી લઈ ગયા હતા જોકે, સારવાર દરમિયાન તેનું મોત નીપજ્યું હતું જે બનાવ સંદર્ભે મૃતક યુવાનના દીકરાએ હાલમાં અજાણી કારના ચાલક સામે વાંકાનેર સિટી પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
જાણવા મળતી માહિતી મુજબ વાંકાનેર નજીક આવેલ રાતીદેવરી રામાપીરના મંદિર સામે રહેતા રોહિતભાઈ ધારાભાઈ વિકાણી (27)એ હાલમાં અજાણી કારના ચાલક સામે વાંકાનેર સિટી પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યું છે કે, વાંકાનેર ચોટીલા હાઇવે રોડ ઉપર ચંદ્રપુર નજીક આવેલ શ્રીનાથજી વેબ્રિજ પાસેથી તેઓના પિતા ધારાભાઈ લાલજીભાઈ વિકાણી (45) પગપાળા રોડ ક્રોસ કરી રહ્યા હતા દરમિયાન કોઈ અજાણી કારના ચાલકે તેના પિતાને હડફેટે લેતા અકસ્માત થયો હતો જે બનાવમાં ફરિયાદીના પિતાને માથા અને જમણા પગમાં ગંભીર ઇજા થયેલ હતી જેથી તેને તાત્કાલિક સારવાર માટે રાજકોટ લઈ ગયા હતા અને રાજકોટ ખાતે સારવાર દરમિયાન તેનું મોત નીપજયું હતું જે બનાવ સંદર્ભે હાલમાં મૃતકના દીકરાએ નોંધાવેલ ફરિયાદ આધારે પોલીસે ગુનો નોધીને આરોપીને પકડવા માટે તજવીજ શરૂ કરી છે
