મોરબીના રવાપર નદી ગામ પાસે દાઝી ગયેલા યુવાનનું રાજકોટ ખાતે સારવારમાં મોત
Morbi Today
મોરબી-વાંકાનેર હાઈવે ઉપર રીક્ષા પલ્ટી જતા એકને ઇજા
SHARE
JOIN OUR GROUP
મોરબી-વાંકાનેર હાઈવે ઉપર રીક્ષા પલ્ટી જતા એકને ઇજા
મોરબી વાંકાનેર હાઇવે ઉપર અકસ્માત બનાવ બન્યો હતો જેમાં રીક્ષા પલટી મારી જવાના બનેલ બનાવમાં એકને ઇજા થતાં સારવાર માટે હોસ્પિટલ ખસેડાયો હતો.
આ બાબતે પોલીસ પાસેથી મળતી માહિતી પ્રમાણે મોરબી-વાંકાનેર હાઇવે ઉપરના રફાળેશ્વર ગામે રહેતા ભીમાભાઇ ખેંગારભાઈ મકવાણા (ઉમર 47) રીક્ષા લઈને જતા હતા ત્યારે લાલપર ગામ પાસે તેઓની રીક્ષા પલટી મારી જતા ઈજા થતા તેઓને સારવાર માટે અત્રેની ખાનગી હોસ્પિટલએ ખસેડાયા હતા અને બનાવ અંગે તાલુકા પોલીસ મથકના વી.ડી.ખાચર દ્વારા આગળની તપાસ કરવામાં આવી હતી તેમ તાલુકા પોલીસએ જણાવેલ છે.
બાળક સારવારમાં
મોરબીના જેતપર રોડ ઉપર આવેલ પાવડીયાળી પાસેના કારખાનામાં લેબર કવાટરમા રહીને ત્યાં મજૂરી કામ કરતા કિશોરભાઈ ચૌહાણનો અગિયાર મહિનાનો દીકરો યસ રમતા રમતા લેબર કવાટરમાં પાણીની ડોલમાં પડી ગયો હતો જેથી તે પાણી પી જતા સિવિલ હોસ્પિટલે સારવાર માટે લાવવામાં આવ્યો હતો.
બાઇક સ્લીપ થતા ઇજા
મોરબી વીસીપરા મેઇન રોડ ખાતે રહેતા દિનેશભાઈ મહાદેવભાઇ બાઈક લઈને વાકાનેર હાઈ વે ઉપરથી જતા હતા ત્યારે રફાળેશ્વર ગામે આવેલ મચ્છુનગર વિસ્તાર પાસે બાઈક સ્લીપ થઈ જતા ઇજા પામતા ખાનગી હોસ્પિટલે સારવાર માટે ખસેડાયા હતા.જ્યારે અકસ્માતનો બીજો બનાવ પીપળી રોડ ઉપર બન્યો હતો.જ્યાં કારખાનેથી પરત ઘરે જતા સમયે બાઈક ગાય સાથે અથડાતા જગદીશભાઈ હરિભાઈ શેરડીયા (ઉમર 48) રહે.કનેરિયા શેરી કલાણા, રાજકોટ ને ઈજા થતા શિવમ હોસ્પિટલે ખસેડાયા હતા.
યુવાન સારવારમાં
હળવદના નવા ઘનશ્યામગઢ ગામે મંગળભાઈ નરસીભાઇ પટેલની વાડીએ રહીને મજૂરી કામ કરતો અશોક સરદારસિંગ રાઠવા (ઉમર 20) નામનો યુવાન અગમ્ય કારણોસર ઝેરી દવા પી જતાં તેને અત્રે મંગલમ હોસ્પિટલે સારવાર માટે લાવવામાં આવ્યો હતો.તેમજ અકસ્માતનો બીજો બનાવ હળવદના શક્તિનગર પાસે બન્યો હતો જેમાં કામકાજ દરમિયાન કોશ છટકીને લાગતા માથા અને પગે ઇજાગ્રસ્ત હાલતમાં રામદાસ રતનભાઈ (40) રહે.શક્તિનગર વાળાને હળવદ ખાતે સારવાર આપ્યા બાદ વધુ સારવાર માટે મોરબી સિવિલએ લાવ્યા હતા.
મારામારીમાં ઈજા થતા સારવારમાં
મોરબીના વાંકાનેર હાઈવે ઉપર આવેલ સરતાનપર રોડ ઉપર કારખાનામાં રહીને મજૂરી કામ કરતા હનીફભાઈ સલેમાનભાઈ સુમરા (ઉમર 50) ને યુનિટમાં મારામારીમાં પાઇપ વડે માર મારવામાં આવતા વાંકાનેર બાદ અત્રે મોરબી સારવાર માટે લાવવામાં આવ્યા હતા.
