વાંકાનેરના હસનપર ગામની પ્રાથમિક શાળામાં તમાકુ નિયંત્રણ કાર્યક્રમ અંતર્ગત જુદીજુદી સ્પર્ધાઓ યોજાઇ
SHARE
JOIN OUR GROUP
વાંકાનેરના હસનપર ગામની પ્રાથમિક શાળામાં તમાકુ નિયંત્રણ કાર્યક્રમ અંતર્ગત જુદીજુદી સ્પર્ધાઓ યોજાઇ
મોરબી જિલ્લા પંચાયતના આરોગ્ય વિભાગ દ્વારા મુખ્ય જિલ્લા આરોગ્ય અધિકારી અને તાલુકા હેલ્થ ઓફિસ વાંકાનેરના ડો. આરીફ શેરશિયા તથા તમાકુ સેલના તેહાનભાઇ શેરસિયાના માર્ગદર્શન હેઠળ રાષ્ટ્રીય તમાકુ નિયંત્રણ કાર્યક્રમ અંતર્ગત હસનપર પ્રાથમિક શાળામાં ચિત્ર, નિબંધ, વકૃત્વ સ્પર્ધાનું આયોજન કર્યું હતું આ શાળામાં કુલ 196 વિદ્યાર્થીઓમાંથી ધોરણ 4 થી 8 ના મળીને કુલ 62 વિદ્યાર્થીઓએ ભાગ લીધેલ હતો અને આ કાર્યક્રમમાં ડૉ.વિશાલ શીલુંએ વિદ્યાર્થીઓને તમાકુના વિવિધ પ્રકારના વ્યસન કરવાથી શરીર પર થતી શારીરિક અસરો તથા ભયંકર રોગો વિશે માર્ગદર્શન આપેલ હતું જેમાં પ્રથમ, દ્વિતીય અને તૃતીય નંબર મેળવેલ વિદ્યાર્થીઓને સ્કૂલબેગ, કંપાસ, બોટલ, પેડ, પેન,પેન્સિલ જેવા પ્રોત્સાહન તરીકે ઇનામો આપવામાં આવ્યું હતું આ તકે આરબીએસકે ટીમના ડો.વિશાલ શીલું, ડો.બંશી ઠોરિયા, અફસાના માલવિયા, સીએચઓ અંકુર પરમાર, સહિતના હાજર રહ્યા હતા અને આ કાર્યક્રમને સફળ બનાવવામાં શાળાના આચાર્ય રઘુવંશી અભિમન્યુસિંહ સહિતનાઓ તરફથી સહકાર મળ્યો હતો.
