માળિયા(મી) નજીકથી ચરસ આરોપીઓને આપનાર મુખ્ય સૂત્રધાર ઝડપાયો: ત્રીજી સુધી રિમાન્ડ

માળિયાના ત્રણ રસ્તા પુલ ઉતરતા પુલના છેડા પાસેથી કારમાથી ૮૮૦ ગ્રામ ચરસના જથ્થા સાથે અગાઉ ત્રણ આરોપી પકડાયા હતા અને પોલીસે ચરસ, કાર સહિતના ૯.૪૭ લાખના મુદામાલ કબજે કર્યો હતો બાદમાં આ ગુનામાં બે આરોપીની પોલીસે પકડ્યા હતા અને હાલમાં આ ગુનામાં પોલીસે ચરસ આપનારા મુખ્ય સૂત્રધારની ધરપકડ કરીને રિમાન્ડ માટે કોર્ટમાં રજૂ કરતાં કોર્ટે ૩તારીખ સુધીના રિમાન્ડ મંજૂર કરેલ છે

માળિયા (મિ.) કચ્છ-મોરબી નેશનલ હાઇવે રોડ ઉપર માળિયાના ત્રણ રસ્તા પુલ ઉતરતા પુલના છેડા પાસેથી પસર થતી એસક્રોસ કાર નં- જીજે ૧૨ ડીએસ ૨૮૦૪ ને રોકીને પોલીસે તા ૨૪ ની રાતે ચેક કરતાં તે કારમાથી ૮૮૦ ગ્રામ ચરસનો જથ્થો મળી આવ્યો હતો જેથી કરીને પોલીસે કારના મલિક દશરથ દિનેશભાઇ વ્યાસ રહે.આદીપુર ગુરૂકૃપા સસાયટી મેઘપર કુંભારડી પ્લઠ નં.- ૨૦૪ તાલુકો અંજાર અને કારમાં બેઠેલ વાસુદેવ ઉર્ફે વિવાન વાલજીભાઇ બારોટ(ગઢવી) રહે. ડી-૨૨ ઈફ્કો કોલોની ઉદયનગર ગાંધીધામ મુળ ભાભર જીલ્લો બનાસકાંઠા અને શંકર ગોવાભાઇ ગરચર રહે. મીંદીયાળા તાલુકો અંજાર વાળાની ધરપકડ કરી હતી અને તેની પાસેથી ચરસ સહિત કુલ મળીને ૯,૪૭,૨૦૦ નો મુદામાલ કબ્જે કર્યો હતો બાદમાં આ ગુનામાં પોલીસે યશ ગોવિંદભાઇ ગઢવી રહે. બ્રમ્હપુરી સોસાયટી માંડવી અને જીવરાજ હરધોળ ગઢવી રહે. ચાગડાઇ તાલુકો માંડવી વાળાની ધરપકડ કરી હતી અને આ શખ્સોને ચરસ આપનારા આરોપી દશરથ કરશનભાઇ સંગારા (૩૫) રહે, ભોજય તાલુકો માંડવી વાળાની ધરપકડ કરવામાં આવેલ છે અને તેને કોર્ટમાં રજૂ કરવામાં આવતા કોર્ટે આરોપીઓના તા ૩ સુધીના રિમાન્ડ મંજૂર કરેલ છે જેની પોલીસ પાસેથી મળતી માહિતી મુજબ આ આરોપીએ યશ ગોવિંદભાઇ ગઢવી અને જીવરાજ હરધોળ ગઢવી ચરસનો જથ્થો આપેલ હતો જેથી તેની ધરપકડ કરવામાં આવી છે જો કે, દશરથ પાસે ચરસ કયાથી આવ્યું તે દિશામાં તપાસ ચાલી રહી છે