મોરબીની નવયુગ શૈક્ષણિક સંકુલ દ્વારા ફિટ ઇન્ડિયા કેમ્પેઈન હેઠળ ટ્રેકિંગ કમ પ્રાકૃતિક શિબિરનું આયોજન
SHARE
JOIN OUR GROUP
મોરબીની નવયુગ શૈક્ષણિક સંકુલ દ્વારા ફિટ ઇન્ડિયા કેમ્પેઈન હેઠળ ટ્રેકિંગ કમ પ્રાકૃતિક શિબિરનું આયોજન
દેશના વડાપ્રધાન દ્રારા ફિટ ઇન્ડિયા કેમ્પેઈન ચલાવવા દેશવાસીઓને હાકલ કરી છે તે અંતર્ગત મોરબીની નવયુગ શૈક્ષણિક સંકુલ દ્વારા પોલો ફોરેસ્ટ ખાતે ટ્રેકિંગ કમ પ્રાકૃતિક શિબિરનું આયોજન કરવામાં આવેલ છે.
ફિટ ઇન્ડિયા ફ્રીડમ રન 2.0 નો ઉદ્દેશ લોકોને આરોગ્ય પ્રવૃત્તિઓમાં ભાગ લેવા માટે પ્રોત્સાહિત કરવાનો છે.જે અંતર્ગત રોજિંદા જીવનની ભાગદોડ અને આજે પ્રવર્તી રહેલી સ્થૂળતા, આળસ, તણાવ, ચિંતા, રોગો વગેરેથી લોકોને છુટકારો મળે તે માટે સરકારે ફીટ ઇન્ડિયાનું સુત્ર આપેલ છે. આ અભિયાન દ્વારા “ફિટનેસ કી ડોઝ આધા ઘંટા રોજ” નાગરિકોને તેમના જીવનમાં દરરોજ ઓછામાં ઓછી ૩૦ મિનિટની શારીરિક પ્રવૃત્તિઓ કરવી જોઈએ. આ બાબતને પ્રોત્સાહન આપવા માટે ફિટ ઇન્ડિયા કેમ્પઇન હેઠળ આ કાર્યક્રમો કોવિડના પ્રોટોકોલને અનુસરીને સમગ્ર દેશમાં શારીરિક અને વર્ચ્યુઅલ બંને રીતે હાથ ધરવામાં આવી રહ્યા છે.જે અનુસંધાને મોરબીના જાણીતા નવયુગ સંકુલ (વિરપર) ના કોમર્સના વિદ્યાર્થીઓની સરકારની ગાઈડલાઈન મુજબ પોલો જંગલ ખાતે ટ્રેકિંગ કમ પ્રાકૃતિક દ્વિ-દિવસીય શિબિરનું તા.૨૯ થી તા.૩૧ આયોજન કરવામાં આવ્યુ હતુ. જેમાં શાળાના ધો.૧૧ કોમર્સના બાળકો અને શિક્ષક મિત્રોએ ભાગ લીધેલ.ભાગ લેનાર વિદ્યાર્થીઓને સંચાલક પી.ડી.કાંજીયાએ શુભેચ્છાઓ પાઠવી હતી.
