ટંકારા તાલુકાના મીતાણા ગામ પાસે આવેલ કારખાનામાં ઘર પાસે બાળક રમતો હતો ત્યારે ગરમ પાણી માથે પડતા તે બાળક દાઝી ગયો હતો જેથી કરીને તેને સારવાર માટે રાજકોટની સરકારી હોસ્પિટલ ખાતે લઈ ગયા હતા અને ત્યાં ચાલુ સારવાર દરમિયાન તેનું મોત નીપજ્યું હતું જેથી કરીને આ બનાવની ટંકારા તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

જાણવા મળતી વિગત પ્રમાણે ટંકારા તાલુકાના મીતાણા ગામ પાસે આવેલ રોક્ષ્વેલ ફેક્ટરીમાં રહેતા અને મજૂરી કામ કરતા હિતેશભાઈ પારગીનો બે વર્ષનો દીકરો પારસ ગત તા. 15/9 રાત્રીના 9:30 વાગ્યાના અરસામાં પોતાના ઘર પાસે રમતો હતો ત્યારે રમતા રમતા ગરમ પાણી તેના માથે પડતા તે બાળક ગંભીર રીતે દાઝી ગયો હતો જેથી કરીને તેને રાજકોટની સરકારી હોસ્પિટલ ખાતે સારવારમાં લઈ ગયા હતા અને ત્યાં સારવાર દરમિયાન તા. 4/11 ના રોજ તેનું મોત નીપજ્યું હતું જેથી કરીને આ બનાવની હોસ્પિટલ મારફતે ટંકારા તાલુકા પોલીસને જાણ કરતા પોલીસે અકસ્માત મૃત્યુના બનાવની નોંધ કરી આગળની રાબેતા મુજબની કાર્યવાહી હાથ ધરી છે.