મોરબી નજીક આવેલ નેક્ષસ સિનેમા પાસેથી કિંમતી મોબાઈલ ફોનની ચોરી
SHARE
JOIN OUR GROUP
મોરબી નજીક આવેલ નેક્ષસ સિનેમા પાસેથી કિંમતી મોબાઈલ ફોનની ચોરી
મોરબીના બાયપાસ રોડ ઉપર આવેલ નેક્ષસ સિનેમા પાસેથી ધ્રાંગધ્રાના રહેવાસી યુવાનો મોબાઇલ ફોન ચોરી થયો હતો જેથી કરીને 19,000 રૂપિયાની કિંમતના મોબાઇલ ફોનની ચોરી થઈ હોવાની ભોગ બનેલ યુવાને મોરબી તાલુકા પોલીસ સ્ટેશન ખાતે ફરિયાદ નોંધાવી છે જેના આધારે પોલીસ ગુનો નોંધીને આરોપીને પકડવા માટે તજવીજ શરૂ કરી છે
જાણવા મળતી માહિતી મુજબ મોરબીના બાયપાસ રોડ ઉપર આવેલ અમરેલી ગામની સીમમાં નેક્ષસ સિનેમા પાસેથી ધાંગધ્રામાં હળવદ રોડ ઉપર આવેલ જડેશ્વર સોસાયટી બ્લોક નંબર 25 માં રહેતા નરેશકુમાર ખુશાલભાઈ મકવાણા (46) નામના યુવાનનો મોબાઇલ ફોન ચોરી થયો હતો જેથી કરીને 19,000 રૂપિયાની કિંમતના મોબાઈલ ફોનની ચોરી થઈ હોવા અંગેની ભોગ બનેલા યુવાન દ્વારા મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવી હતી જેના આધારે પોલીસે અજાણ્યા શખ્સની સામે ચોરીનો ગુનો નોંધીને આરોપીને પકડવા માટે તજવીજ શરૂ કરી છે
કાર ચાલકે રિક્ષાને ટક્કર મારી
મોરબીના વીસીપરા વિસ્તારમાં રહેતા ઝાકમભાઈ હબીબભાઈ ભટ્ટી (50) વાંકાનેર હાઇવે રોડ ઉપર કુબેર ટોકીઝ પાસે રિક્ષામાં જતા હતા ત્યારે કાર ચાલકે રિક્ષાને હડફેટે લેતા અકસ્માતનો બનાવ બન્યો હતો જે બનાવમાં આધેડને ઇજા થઈ હોવાથી ઇજા પામેલ આધેડને સારવાર માટે મોરબીની સિવિલ હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની મોરબી એ ડિવિઝન પોલીસને જાણ કરી હતી.
