વાંકાનેરમાં બહુજન સમાજ દ્વારા અમિત શાહના રાજીનામાની માંગ સાથે રેલી યોજાઈ
Morbi Today
હળવદના રણમલપુર નજીક ડબલ સવારી બાઇક કેનાલમાં ખાબકતાં પિતા-પુત્રનું મોત
SHARE
JOIN OUR GROUP
હળવદના રણમલપુર નજીક ડબલ સવારી બાઇક કેનાલમાં ખાબકતાં પિતા-પુત્રનું મોત
હળવદના રણમલપુર ગામ પાસેથી નર્મદની કેનાલ પસાર થાય છે તે કેનાલમાં ડબલ સવારી બાઇક પડી ગયું હતું જેની સાથે પિતા પુત્ર પણ કેનાલમાં પડ્યા હતા જેથી કરીને તેની શોધખોળ શરૂ કરી હતી અને ત્યાર બાદ કેનાલમાંથી બંનેની ડેડબોડી બહાર કાઢીને પીએમ માટે હળવદની સરકારી હોસ્પિટલે લઈ જવામાં આવેલ છે અને આ બનાવની હળવદ પોલીસે નોંધ કરીને આગળની કાર્યવાહી કરેલ છે.
હળવદ તાલુકાના રણમલપુર ગામે રહેતા અને ખેતી કામ કરતાં ધીરુભાઈ હરજીભાઈ ભોરણીયા (55) અને તેનો દીકરો વિશાલ ધીરુભાઈ ભોરણીયા (22) બંને ગુરુવારે સવારે રણમલપુરની બાજુમાં આવેલા એંજાર ગામે હલર લેવા માટે બાઈક ઉપર જઈ રહ્યા હતા. તે દરમિયાન રણમલપુર નજીકથી પસાર થતી નર્મદાની માળિયા બ્રાંચ કેનાલમાં તેનું ડબલ સવારી બાઇક પડ્યું હતું તેની સાથે જ પિતા પુત્ર પણ કેનાલમાં પડ્યા હતા જેથી કરીને આ બનાવની તાત્કાલિક હળવદ પાલિકાના ફાયર વિભાગને જાણ કરી હતી અને ટીકરના તરવૈયાઓને પણ બોલાવવામાં આવ્યા હતા અને ફાયર ટિમ તેમજ તરવૈયાઓએ કલાકોની મહેનત બાદ પિતા અને પુત્રના મૃતદેહ કેનાલમાંથી બહાર કાઢ્યા હતા અને બંનેની બોડીને પીએમ માટે હળવદની સરકારી હોસ્પિટલે લઈ ગયા હતા અને આ બનાવની હળવદ તાલુકા પોલીસને જાણ કરવામાં આવી હતી.
