મોરબીની આલાપ સોસાયટીના ગેટ પાસેથી બાઈકની ઉઠાંતરી

મોરબીમાં આવેલ આલાપ સોસાયટીના મેઈન ગેટ પાસે યુવાને પોતાનું બાઈક પાર્ક કરીને મૂક્યું હતું જે બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને 40,000 ની કિંમતના બાઈકની ચોરી થઈ હોય ભોગ બનેલા યુવાને મોરબી એ ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

જાણવા મળતી માહિતી મુજબ મોરબીના એસપી રોડ ઉપર આવેલ આઈ શ્રી હાઈટસ નંબર 603 માં રહેતા સચિનભાઈ ઘનશ્યામભાઈ ઉભડીયા (23) નામના યુવાને અજાણ્યા શખ્સની સામે મોરબી એ ડિવિઝન પોલીસ સ્ટેશન ખાતે ચોરીની ફરિયાદ નોંધાવેલ છે જેમાં તેને જણાવ્યું છે કે તે પોતાના ફુવા હરજીવનભાઈ ગોઠીનું બાઈક નંબર જીજે 3 ઇબી 1104 છેલ્લા છ મહિનાથી પોતાના કામ સબબ ઉપયોગમાં લેતા હતા અને પોતાના ઘરેથી આલાપ સોસાયટીમાં રહેતા અંકુરભાઈ પટેલને ત્યાં જતો હતો અને ત્યાંથી તેઓ ફોરવિલ ગાડીમાં પોતાની નોકરીએ જતા હતા અને ત્યાં તેણે પોતાનું બાઈક પાર્ક કરીને મૂક્યું હતું જે બાઈકની કોઈ અજાણ્ય શખ્સ દ્વારા ચોરી કરવામાં આવેલ છે જેથી કરીને 40,000 ની કિંમતના બાઈકની ચોરી થઈ હોવાની યુવાને ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી હતી

મોબાઈલ પડી ગયો

મોરબીમાં ઋષિકેશ સ્કૂલ પાસે આવેલ કમલા પાર્ક સોસાયટીમાં રહેતા અમનભાઈ શિવભોલાભાઈ તિવારી (26) નામનો યુવાન પોતાના ઘરેથી ગોપાલ સોસાયટી તરફ જઈ રહ્યો હતો ત્યારે ગત તા. 16/2 ના રાત્રિના 9:00 થી 10:00 વાગ્યાના અરસામાં તેનો મોબાઈલ પડી ગયો હતો જેથી આ અંગેની તેણે મોરબી બી ડિવિઝન પોલીસ સ્ટેશન ખાતે જાણ કરતા પોલીસે તે અંગેની નોંધ કરીને આગળની રાબેતા મુજબની કાર્યવાહી હાથ ધરી છે