મોરબીના બેલા ગામે ઘરમાં જુગારની રેડ: ઘરધણી સહિત 6 શખ્સની 10.83 લાખના મુદામાલ સાથે ધરપકડ
SHARE
JOIN OUR GROUP
મોરબીના બેલા ગામે ઘરમાં જુગારની રેડ: ઘરધણી સહિત 6 શખ્સની 10.83 લાખના મુદામાલ સાથે ધરપકડ
મોરબી તાલુકાના બેલા ગામે મકાનમાં જુગાર રમતા હોવાની હકીકત મળી હતી જેના આધારે પોલીસ દ્વારા ત્યાં જુગારની રેડ કરી હતી ત્યારે સ્થળ ઉપરથી ઘરધણી સહિત કુલ મળીને છ વ્યક્તિઓ જુગાર રમતા મળી આવ્યા હતા જેથી કરીને પોલીસે રોકડા રૂપિયા 5,43,900 તથા 6 મોબાઈલ ફોન, એક સ્કૂટર, એક બાઇક અને એક ગાડી મળીને કુલ 10,83,900 રૂપિયાની કિંમતનો મુદ્દામાલ કબજે કર્યો છે અને મોરબી તાલુકા પોલીસ સ્ટેશન ખાતે જુગાર ધારા હેઠળ ગુનો નોંધીને પોલીસ આગળની કાર્યવાહી હાથ ધરી છે
જાણવા મળતી માહિતી પ્રમાણે મોરબી તાલુકા પોલીસની ટીમ પેટ્રોલિંગમાં હતી ત્યારે ભગીરથભાઈ લોખિલ અને મહેન્દ્રસિંહ ચુડાસમાને મળેલ બાતમી આધારે મોરબી તાલુકા બેલા (રં) ગામે રહેતા રમેશભાઈ પરસોતમભાઈ અઘારાના રહેણાક મકાનમાં જુગારની રેડ કરવામાં આવી હતી ત્યારે ત્યાં સ્થળ ઉપરથી જુગાર રમતા ઘરધણી રમેશભાઈ પરસોત્તમભાઈ અઘારા તથા વિનોદભાઈ મગનભાઈ સંઘાણી, વસંતભાઈ ગાંડુભાઈ ચાપાણી, ભરતભાઈ શિવલાલભાઈ સંઘાણી, અંકિતભાઈ રણછોડભાઈ કણસાગરા અને વિનોદભાઈ ઉર્ફે વિનુભાઈ રૂગનાથભાઈ માકાસણા જુગાર રમતા મળી આવ્યા હતા જેથી પોલીસે તેઓની પાસેથી કુલ મળીને 5,43,900 રૂપિયાની રોકડ, છ મોબાઈલ ફોન જેની કિંમત એક લાખ રૂપિયા તથા એક એકટીવા, એક સ્કૂટર અને એક ગાડી આમ કુલ મળીને ચાર લાખ રૂપિયાની કિંમતના વાહનો સાથે કુલ 10,83,900 રૂપિયાની કિંમતનો મુદ્દામાલ પોલીસ દ્વારા કબજે કરવામાં આવ્યો હતો અને મોરબી તાલુકા પોલીસ સ્ટેશન ખાતે 6 શખ્સોની સામે જુગાર ધારા હેઠળ ગુનો નોંધીને પોલીસે આગળની કાર્યવાહી હાથ ધરી છે.
