મોરબી વિનય ઇન્ટરનેશનલ સ્કુલના વિદ્યાર્થીઓનું કલામહાકુંભમાં ઝોન કક્ષાએ ઉત્કૃષ્ઠ પ્રદર્શન
Morbi Today
ટંકારા તાલુકાના નેકનામ હમીરપર રોડ ઉપર બોલેરો ચાલકે બાઇકને હડફેટે લેતા યુવાનનું મોત
SHARE
JOIN OUR GROUP
ટંકારા તાલુકાના નેકનામ હમીરપર રોડ ઉપર બોલેરો ચાલકે બાઇકને હડફેટે લેતા યુવાનનું મોત
ટંકારા તાલુકાના નેકનામ હમીરપર રોડ ઉપર થોડા દિવસો પહેલા બોલેરો ગાડીના ચાલકે બાઇકને હડફેટે લીધું હતું જેથી કરીને અકસ્માતનો બનાવ બન્યો હતો અને આ બનાવમાં બાઈક ઉપર જઈ રહેલા યુવાનને ગંભીર ઇજાઓ થઇ હોવાથી તેનું મોત નીપજ્યું હતું અને અકસ્માતના આ બનાવ સંદર્ભે મૃતક યુવાનના ભાઈએ ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે બોલેરો ગાડીના ચાલક સામે ગુનો નોંધી આરોપીને પકડવા માટે તજવીજ શરૂ કરી છે.
જાણવા મળતી વિગત મુજબ મૂળ મધ્યપ્રદેશના અલીરાજપુર જિલ્લાના રહેવાસી અને હાલમાં ધ્રોલ તાલુકાના રોજિયા ગામે હરિભાઈ ડાંગરની વાડીએ રહેતા અને મજૂરી કામ કરતા ભાનુભાઈ ધનસિંહભાઈ કલેસ (35)એ બોલેરો ગાડી નંબર જીજે 36 વી 0302 ના ચાલક સામે ટંકારા તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે, ગત તા 19/2 ના રોજ સાંજના 7:30 વાગ્યાના અરસામાં તેનો નાનો ભાઈ સુરસિંહ ધનસિંહભાઈ કલેશ (26) બાઈક નંબર જીજે 3 ઇજે 9416 લઈને નેકનામ હમીરપર રોડ ઉપર આવેલ કિસાન કોટન જીન સામે રસ્તા ઉપર થી પસાર થઈ રહ્યો હતો ત્યારે તેના બાઇકને બોલેરો ગાડીના ચાલકે હડફેટે લેતા અકસ્માતનો બનાવ બન્યો હતો જે બનાવમાં ફરિયાદીના ભાઈને માથાના ભાગે ગંભીર ઇજા થઇ હોવાથી તેનુ મોત નીપજ્યું હતું અને અકસ્માત મૃત્યુના આ બનાવ સંદર્ભે મૃતક યુવાનના ભાઈએ નોંધાવેલ ફરિયાદ આધારે પોલીસે હાલમાં બોલેરો ગાડીના ચાલક સામે ગુનો નોંધીને આરોપીને પકડવા માટે તજવીજ શરૂ કરી છે અને આ અંગેની આગળની વધુ તપાસ ટંકારા તાલુકા પોલીસ સ્ટેશનના પીએસઆઇ વાય.એસ.પરમાર ચલાવી રહ્યા છે.
