ટંકારાની લતિપર ચોકડીએથી ૩૫૦ લિટર દારૂ ભરેલ બોલેરો સાથે રાજકોટના બે શખ્સ પકડાયા

મોરબી રાજકોટ હાઇવે ઉપર આવેલ લતિપર ચોકડી પાસેથી પસાર થતી બોલેરો ગાડીને રોકીને પોલીસ ચેક કરતા તે ગાડીમાંથી કુલ મળીને ૩૫૦ લિટર દેશી દારૂ મળી આવ્યો હતો જેથી કરીને પોલીસે સાત હજાર રૂપિયાની કિંમતનો દારૂ તેમજ ત્રણ લાખ રૂપિયાની કિંમતની કાર આમ કુલ મળીને ૩.૦૭ લાખના મુદામાલ સાથે રાજકોટના બે શખ્સોની ધરપકડ કરીને આગળની તજવીજ હાથ ધરી છે. 

બનાવની જાણવા મળતી માહિતી મુજબ મોરબી રાજકોટ હાઇવે ઉપર આવેલ ટંકારા પાસે લતીપર ચોકડી નજીકથી બોલેરો ગાડી નંબર જીજે ૧૩ એટી ૨૬૨૫ પસાર થઈ રહી હતી તે ગાડીને રોકીને પોલીસે ચેક કરી હતી ત્યારે તે ગાડીમાંથી ૩૫૦ લીટર દેશીદારૂનો જથ્થો મળી આવ્યો હતો જેથી કરીને પોલીસે સાત હજાર રૂપિયાની કિંમતનો દારૃ અને ત્રણ લાખ રૂપિયાની ગાડી આમ કુલ મળીને ૩.૦૭ લાખના મુદ્દામાલ સાથે રાજકોટના જારીયા પ્લોટ વિસ્તારની અંદર રહેતા સુનિલ ભાનુભાઇ સોલંકી જાતે દેવીપૂજક (ઉંમર ૧૯) અને પ્રફુલ ગાંગજીભાઈ ચાવડા (ઉમર ૩૦) ની ધરપકડ કરેલ છે અને આ દારૂનો જથ્થો ક્યાંથી ગાડીમાં ભર્યો હતો અને કોને આપવાનો હતો તે દિશાની અંદર પોલીસે તપાસ શરૂ કરી છે.