મોરબીના ત્રાજપર ખારીમાથી જુગાર રમતા એક મહિલા સહિત પાંચ ઝડપાયા

મોરબીના સામાકાંઠે વિસ્તારમાં આવેલ ત્રાજપર ખારી મંદિર પાસે શેરીમાં જાહેરમાં જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે એક મહિલા સહિત કુલ પાંચ વ્યક્તિ જુગાર રમતા મળી આવ્યા હતા જેથી પોલીસે 10,270 ની રોકડ સાથે તેની ધરપકડ કરીને આગળની કાર્યવાહી કરેલ છે.

મોરબી બી ડીવીઝન પોલીસની ટીમ પેટ્રોલીંગમાં હતી ત્યારે ત્રાજપર ખારી વિસ્તારમાં રામજી મંદિર પાસે શેરીમાં જાહેરમાં જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે સવજીભાઇ ભીમાભાઇ સરાણીયા (60), સોમાભાઇ અરજણભાઇ મકવાણા (56), લાભુભાઇ કાનજીભાઇ પાટડીયા (52), બેચરભાઇ કાળુભાઇ બારૈયા (60) અને શારદાબેન સોમાભાઈ મકવાણા (54) રહે. બધા જ બંને ત્રાજપર વાળા જુગાર રમતા મળી આવ્યા હતા જેથી પોલીસે 10,270 ની રોકડ સાથે તેની ધરપકડ કરી હતી અને ગુનો નોંધીને આગળની કાર્યવાહી કરેલ છે.