મોરબી સિવિલમાં સગર્ભાએ નોર્મલ ડિલિવરીથી બાળકને જન્મ આપ્યા બાદ મહિલાનું સારવારમાં મોત

મોરબી તાલુકાના ઉંચી માંડલ ગામ પાસે આવેલ સીરામીક કારખાનાના લેબર ક્વાર્ટરમાં રહેતા અને મજૂરી કામ કરતાં મહિલાને પ્રસુતિનો દુખાવો ઉપાડતા તેને મોરબીની સરકારી હોસ્પિટલ ખાતે લઈને આવ્યા હતા ત્યાં નોર્મલ ડિલિવરીથી મહિલાએ બાળકને જન્મ આપ્યો હતો ત્યારબાદ સારવાર દરમિયાન તે મહિલાનું મોત નીપજયું હતું જેથી આ બનાવની મોરબી સિવિલ હોસ્પિટલ મારફતે તાલુકા પોલીસ સ્ટેશન ખાતે જાણ કરવામાં આવતા પોલીસે આગળની કાર્યવાહી હાથ ધરી છે

જાણવા મળતી માહિતી મુજબ મૂળ ઓરિસ્સાના રહેવાસી અને હાલમાં મોરબી તાલુકાના ઉંચી માંડલ ગામ પાસે આવેલ રોક ગ્રેનાઈટો સીરામીક કારખાનાની લેબર કોલોનીના કવાર્ટરમાં રહેતા જમુનાબેન રામા હોકંદા હો (38) નામની મહિલાને ગત તા. 14/5 ના રોજ પ્રસુતિનો દુખાવો થતાં તેને તાત્કાલિક મોરબીની સરકારી હોસ્પિટલ ખાતે લઈને આવ્યા હતા અને ત્યાં દાખલ કરવામાં આવ્યા હતા અને ત્યારબાદ મહિલાએ નોર્મલ ડીલેવરીથી બાળકને જન્મ આપ્યો હતો અને તે સિવિલ હોસ્પિટલ ખાતે સારવાર હેઠળ હતા દરમિયાન તા 15/5 ના રોજ વહેલી સવારે 6 વાગ્યાના અરસામાં તે મહિલાનું સારવાર દરમિયાન મોત નીપજયું હતું જેથી આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરીને આગળની રાબેતા મુજબની કાર્યવાહી હાથ ધરી છે

બાઇક સ્લીપ થતાં અકસ્માત

મોરબીના કેનાલ રોડ ઉપર આવેલ મેઘાણીની વાડીમાં રહેતા જગદીશભાઈ જલાભાઇ ડાભી (38) નામનો યુવાન શનાળા રોડ ઉપર મોમ્સ હોટલ પાસેથી બાઈક લઈને પસાર થતો હતો ત્યારે બાઈક સ્લીપ થવાના કારણે તે યુવાનને ઇજા થતાં ઇજાગ્રસ્ત હાલતમાં તેને સારવાર માટે હોસ્પિટલ ખાતે લઈને આવ્યા હતા. આવી જ રીતે મોરબીના જાંબુડીયા ગામે રહેતો યુવરાજ પ્રવીણભાઈ પરમાર (4) નામનો બાળક મોરબીના જેલ રોડ ઉપર આવેલ નીલકમલ સોસાયટીમાં બાઈકમાં બેસીને પસાર થઈ રહ્યો હતો ત્યારે કોઈ કારણસર બાઇક સ્લીપ થયું હતું જેથી તે બાળકને ઈજા થઈ હોવાથી તેને સારવાર માટે તેને મોરબીની ખાનગી હોસ્પિટલમાં લઈને આવ્યા હતા અને આ બંને બનાવની સ્થાનિક પોલીસને જાણ કરવામાં આવી હતી.