માળીયા (મી)ના ખાખરેચી ગામે પીએચસીમાં રક્તદાન કેમ્પ યોજાયો
SHARE
JOIN OUR GROUP
માળીયા (મી)ના ખાખરેચી ગામે પીએચસીમાં રક્તદાન કેમ્પ યોજાયો
મોરબીના જિલ્લા વિકાસ અધિકારી જે.એસ.પ્રજાપતિ તથા મુખ્ય જિલ્લા આરોગ્ય અધિકારી ડો.પવનકુમાર શ્રીવાસ્તવનાં સીધા માર્ગદર્શન હેઠળ તાલુકા હેલ્થ કચેરી માળીયા, સંસ્કાર બ્લડ બેન્ક મોરબી તથા પ્રાથમિક આરોગ્ય કેન્દ્ર ખાખરેચીના સહયોગથી પ્રાથમિક આરોગ્ય કેન્દ્ર ખાખરેચી ખાતે બ્લડ ડોનેશન કેમ્પનું આયોજન કરવામાં આવ્યું હતું ત્યારે મોરબી જિલ્લા પંચાયત સદસ્ય મહેશભાઈ પારજીયા, ગ્રામ પંચાયતના સરપંચ વનીતાબેન દિનેશભાઈ પારજીયા, ગામના આગેવાન અશોકભાઈ બાપોદરીયા, દિનેશભાઈ પારજીયા, માળીયા તાલુકા આરોગ્ય અધિકારી ડો. દિનેશભાઈ, અગરિયા હિત રક્ષક મંચના પ્રમુખ મારુતભાઈ સાહિતના હાજર રહ્યા હતા અને 28 જેટલા લોકોએ કેમ્પમાં રક્તદાન કર્યું હતું આ કેમ્પને સફળ બનાવવા માટે મેડીકલ ઓફિસર પ્રા.આ.કેન્દ્ર ખાખરેચી તથા માળીયા તાલુકા હેલ્થ સુપરવાઇઝર મુકેશભાઈ પરમાર તેમજ પ્રાથમિક આરોગ્ય કેન્દ્રના તમામ સ્ટાફ દ્વારા જહેમત ઉઠાવવામાં આવી હતી.
