મોરબીના બગથળા ગામે મોર્નિંગ વોકમાં ગયેલ પિતા-પુત્રને ઉડાવનાર રિક્ષા ચાલક સામે ગુનો નોંધાયો

મોરબીના બગથળા ગામે યુવાન અને તેના પિતા બંને મોર્નિંગ વોક ગયા હતા ત્યારે રીક્ષા ચાલકે યુવાન અને તેના પિતાને હડફેટે લેતા અકસ્માતનો બનાવ બન્યો હતો જેમાં યુવાન અને તેના પિતાને શરીરે ઇજાઓ થઈ હતી જેથી તેને સારવારમાં લઈ ગયા હતા અને હાલમાં યુવાને નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે

મૂળ બગથળાના રહેવાસી અને હાલમાં મોરબીમાં આવેલ સરદાર નગર સોસાયટી શિવધારા એપાર્ટમેન્ટ બ્લોક નંબર 403 ની મીમા પાનની બાજુમાં રહેતા નયનકુમાર રમેશભાઈ ઠોરિયા (33)એ સીએનજી રીક્ષા નંબર જીજે 36 યુ 5905 ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં જણાવ્યું છે કે નાની વાવડી બગથળા રોડ ઉપર આવેલ ઇવા કારખાના અને સિલ્વર સાઇન પેટ્રોલ પંપની વચ્ચેથી ફરિયાદી તેના પિતા રમેશભાઈ ઠોરિયા સાથે મોર્નિંગ વોકમાં ગયા હતા દરમિયાન રિક્ષા ચાલકે ફરિયાદી તથા તેના પિતાને હડફેટે લેતા અકસ્માતનો બનાવ બન્યો હતો જે બનાવમાં ફરિયાદી યુવાનને શરીરે જમણી સાઈડમાં નાના મોટી ઈજાઓ થઈ હતી તેમજ ખભા અને પગમાં ફ્રેકચર થયેલ છે જ્યારે તેના પિતાને માથાના ભાગે ગંભીર ઇજા થયેલ છે જેથી તે બંને તાત્કાલિક સારવાર માટે હોસ્પિટલે લાવ્યા હતા અને સારવાર લીધા બાદ હાલમાં નયનભાઈ ઠોરિયાએ નોંધાવેલ ફરિયાદ આધારે પોલીસે રિક્ષા ચાલક સામે ગુનો નોંધીને તેના પકડવા માટે તજવીજ શરૂ કરેલ છે.