મોરબીમાં વીસી ફાટક પાસેથી ચોરાઉ રિક્ષા સાથે એક શખ્સ પકડાયો

મોરબીમાં વીસી ફાટક પાસેથી નંબર વગરની સીએનજી રિક્ષા નીકળી હતી ત્યારે તે રિક્ષાને રોકીને રિક્ષા ચાલક પાસેથી કાગળો માંગ્યા હતા જે તેની પાસે હતા નહીં જેથી પોકેટ કોપથી સર્ચ કરતા આ રિક્ષા સાણંદ પોલીસ સ્ટેશન વિસ્તારમાથી ચોરી કરેલ હોવાનું સામે આવ્યું હતું જેથી પોલીસે ચોરાઉ રિક્ષા સાથે એક શખ્સને પકડીને આગળની કાર્યવાહી કરેલ છે.

મોરબી સિટી એ ડિવિઝન પોલીસ સ્ટેશનમાં ફરજ બજાવતા સાવજીભાઇ દાફડા, વિજયભાઇ ગઢવી, હિતેશભાઇ ચાવડા અને જયદીપભાઈ ગઢવીને સંયુક્તમાં બાતમી મળી હતી કે, વીસીપરામાંથી નંબર પ્લેટ વગરની શંકાસ્પદ રિક્ષા સાથે એક શખ્સ વીસી ફાટક પાસે આવી રહેલ છે જેથી પોલીસે ત્યા વોચ રાખી હતી અને ત્યારે ત્યાંથી એક નંબર પ્લેટ વગરની મળેલ બાતમી મુજબની સીએનજી રીક્ષા નીકળી હતી જે રિક્ષાને રોકીને પોલીસે રીક્ષા લઈને જઈ રહેલા શખ્સ પાસેથી રિક્ષાના કાગળો માંગ્યા હતા જે તેની પાસે હતા નહીં જેથી પોલીસે પોકેટ કોપથી સર્ચ કરતા આ રીક્ષા સાણંદ પોલીસ સ્ટેશનમાં વિસ્તારમાંથી ચોરી કરી હોવાનું સામે આવ્યું હતું જેથી પોલીસે ચોરાઉ રિક્ષા સાથે રજાકભાઇ રમજાનભાઇ મોવર (26) રહે. વીશીપરા માતમચોક પાસે સલીમભાઇના મકાનમા ભાડે મોરબી મુળ રહે. વાગડીયા ઝાપા પાસે માળીયા (મી) વાળાને હસ્તગત કરેલ છે અને આ અંગેની જાણ સાણંદ પોલીસ સ્ટેશન ખાતે કરવામાં આવેલ છે.