મોરબીના ઘૂટું ગામે ઝેરી દવા પી ગયેલ મહિલા સારવારમાં

મોરબી તાલુકાના ઘૂટું ગામે ઝેરી દવા પી ગયેલ મહિલાને તાત્કાલિક સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.

બનાવની જાણવા મળતી માહિતિ પ્રમાણે મોરબી તાલુકાના ઘૂટું ગામે રહેતા ગીતાબેન ભીખાભાઈ ચાવડા (23) નામના મહિલા કોઈ અગમ્ય કારણોસર ઝેરી દવા પી જતા તેઓને સારવાર માટે મોરબીની આયુષ હોસ્પિટલમાં લઈને આવ્યા હતા અને ત્યાં તેઓને સારવાર આપવામાં આવ્યા બાદ આ બનાવની હોસ્પિટલ મારફતે મોરબી તાલુકા પોલીસને કરવામાં આવી હતી જેથી પોલીસે બનાવની નોંધ કરી આગળની રાબેતા મુજબની કાર્યવાહી કરેલ છે અને આ બનાવની આગળની વધુ તપાસ તાલુકા પોલીસ સ્ટેશનના પીએસઆઇ એસ.એચ. ભટ્ટ ચલાવી રહ્યા છે

મારા મારીમાં ઇજા

મોરબીમાં સર્કિટ હાઉસ પાસે રહેતા કાસમ સુલેમાનભાઈ ભટ્ટી (40) નામના યુવાનને મારામારીના બનાવમાં ઈજા થઈ હતી જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે પોલીસને જાણ કરતા પોલીસે આગળની કાર્યવાહી હાથ ધરી છે

મારા મારીમાં ઇજા

મોરબીમાં પાડાપુલ નીચેના ભાગમાં રહેતા રીનાબેન દીપકભાઈ દેલવાડીયા (17) નામની તરુણીને રેમ્બો કારખાના પાસે મારામારીના બનાવમાં ઈજા થવાથી ઇજાગ્રસ્ત હાલતમાં તેને સારવાર માટે લઈને આવ્યા હતા અને ત્યાં તેને સારવાર આપ્યા બાદ આ બનાવની પોલીસને જાણ કરતાં પોલીસે બનાવની નોંધ કરી આગળની કાર્યવાહી હાથ ધરી છે.