મોરબી તાલુકા પોલીસની ટીમ પેટ્રોલિંગમાં હતી ત્યારે બાતમી મળી હતી કે મકનસર એક્સેલ સીરામીક પાસે આવેલ ગુરૂકૃપા કોમ્પ્લેક્સમાં કનારામ મારવાડીનું રામદેવ ઢાબા આવેલ છે ત્યાં નાર્કોટીકક્ષ માદક પદાર્થ રાજસ્થાનથી લાવીને ત્યાં તેનું વેચાણ કરવામાં આવી રહ્યું છે જેથી સ્થાનિક પોલીસ દ્વારા ત્યાં રેડ કરવામાં આવી હતી ત્યારે સ્થળ ઉપર ઢાબામાંથી ૬ ગ્રામ એમડી ડ્રગ્સનો જથ્થો મળી આવ્યો હતો જેથી ૬૦ હજારની કિંમતનું ડ્રગ્સ, તેમજ ૨૦ હજારના બે મોબાઈલ, રોકડ તથા વજન કાંટો સહિતનો મુદ્દામાલ મળીને પોલીસે ૮૪, ૫૪૦ ની કિંમતનો મુદ્દામાલ કબ્જે કર્યો હતો અને સ્થળ ઉપરથી કાનારામ બાબુલાલ ડારાની ધરપકડ કરેલ હતી જેતે સમયે તેની પ્રાથમિક પૂછપરછમાં રમેશભાઈ બિશ્નોઈ રહે. બિલાડા જોધપુર રાજસ્થાન વાળા પાસેથી મેળવ્યો હોવાનું સામે આવેલ હોય તાલુકા પોલીસે બંને સામે એનડીપીએસની કલમ હેઠળ મોરબી તાલુકા પોલીસ સ્ટેશન ખાતે ગુનો નોંધ્યો હતો.અને માલ આપનાર રવિ ઉર્ફે રમેશભાઈ ભોયાભાઈ બીશ્નોઇ (૩૦) રહે.જોધપુર રાજસ્થાનને પકડીને જેલ હવાલે કર્યો હતો.

 

મોરબી સીટી બી ડિવિઝન પોલીસ મથક ખાતે થોડા સમય પહેલા દિનેશભાઈ નથુભાઈ સોલંકી (ઉમર ૪૪) રહે.કામધેનુ પાર્ટી પ્લોટ પાસે હનુમાન મંદિર નજીક જુના ૨૫ વારીયા કંડલા બાયપાસ મોરબી એ કન્ટેનર નંબર જીજે ૧૨ એટી ૮૩૮૨ ના ચાલક સામે ફરિયાદ નોંધાવતા જણાવ્યું હતું કે, તેઓના પિતા નથુભાઈ ભનાભાઈ સોલંકી (ઉમર ૬૦) સાઇકલ લઈને તા.૪-૬ ના સાંજના સાતેક વાગ્યાના અરસામાં સન ગોલ્ડ સીરામીકમાં સિક્યુરિટીનું કામ કરતા હોય નોકરીએ જવા માટે નીકળ્યા હતા.તે દરમિયાન મોરબીના સામાકાંઠે જુના ઘુંટુ રોડ ઉપર આવેલ શિવ શક્તિ કોમ્પલેક્ષ પાસે પહોંચ્યા ત્યારે ઉપરોક્ત નંબરના કન્ટેનરના ચાલકે તેઓને હડફેટે લીધા હતા અને કન્ટેનરના પાછળના જોટામાં આવી જતા માથાના ભાગે ગંભીર ઈજા થતાં તથા જમણો પગ ભાંગી જવાથી અને શરીરે નાની-મોટી ઈજાઓ થવાથી નથુભાઈ ભનાભાઈ સોલંકીનું મોત નિપજયુ હતું.બનાવ બાદ કન્ટેનર ચાલક ઘટના સ્થળે તેનું વાહન મૂકીને ભાગી છુટ્યો હતો જે બનાવની તપાસ બી ડિવિઝન પોલીસ મથકના મોમજીભાઇ ચોહાણે કરી હતી અને ભાગીને છુટેલા કન્ટેનર ચાલક રમેશસિંગ સુવિન્દ્રસિંહ જાટ (૩૯) રહેકાદગીલ ખુર્દ તરનતારન પંજાબને પકડી પાડીને ધોરણસરની કાર્યવાહી કરી હતી.