મોરબી જિલ્લા પોલીસ દ્વારા ફિટ ઈન્ડિયા મુવમેંટ-નેશનલ સ્પોર્ટ્સ ડે અંતર્ગત જુદીજુદી સ્પર્ધા યોજાઈ સમાજસેવા: મોરબીમાં ઈદે મિલાદુન્નબી નિમિત્તે બ્લડ ડોનેશન કેમ્પનું આયોજન મોરબીમાં આગામી ગુરુવારે સર્વાઇકલ કેન્સર રસીકરણ પ્રોગ્રામનું આયોજન વાંકાનેરના વરડુસર ગામે પ્રાથમિક શાળામાં બાળાઓને ગુડ ટચ-બેડ ટચની સમજ અપાઈ મોરબી મહાપાલિકા દ્વારા આયોજિત સિટી ઓલિમ્પિકની વિવિધ રમતના વિજેતાઓને સન્માનીત કરાયા મોરબીમાં આવેલ સિદ્ધિ વિનાયક પાર્કમાં નવદુર્ગા સ્વરૂપે બાળાઓએ ગણપતિ બાપાનું પૂજન કર્યું મોરબીમાં લગ્નના 17 વર્ષ બાદ પણ સંતાન ન હોવાનું લાગી આવતા ગળેફાંસો ખાઈ ગયેલ મહિલાનું મોત મોરબી શહેર-વાંકાનેર તાલુકામાં જુદીજુદી 6 જ્ગ્યાએ વરલી જુગારની રેડ
Breaking news
Morbi Today

માળિયા (મી.)ના નવાગામ નજીક નદીના કાંઠે ધમધમતી દેશી દારૂની ભઠ્ઠી સાથે બે પકડાયા, એકની શોધખોળ: 6.22 લાખનો મુદામાલ કબ્જે


SHARE















માળિયા (મી.)ના નવાગામ નજીક નદીના કાંઠે ધમધમતી દેશી દારૂની ભઠ્ઠી સાથે બે પકડાયા, એકની શોધખોળ: 6.22 લાખનો મુદામાલ કબ્જે

માળિયા (મી.)ના નવાગામ અને મેઘપર ગામ વચ્ચે આવેલ મચ્છુ નદીના કાંઠેથી દેશી દારૂની ભઠ્ઠી ઉપર એલસીબીની ટીમે રેડ કરી હતી. ત્યારે સ્થળ ઉપરથી દેશી દારૂની ભઠ્ઠી સાથે બે શખ્સ મળી આવ્યા હતા જેથી પોલીસે વાહન સહીત કુલ મળીને 6.22 લાખનો મુદામાલ કબ્જે કરીને માળીયા (મી) તાલુકા પોલીસ સ્ટેશન ખાતે ત્રણ શખ્સોની સામે ગુનો નોંધીને પોલીસે આગળની કાર્યવાહી કરેલ છે.

મોરબી જિલ્લા એલસીબીની ટીમ પેટ્રોલિંગમાં હતી ત્યારે માળિયા (મી.)ના નવાગામથી મેઘપર વચ્ચે મચ્છુ નદીના કાંઠે ખરાબાની જગ્યામાં દેશી દારૂ બનાવવા માટેની ભઠ્ઠી ચાલુ હોવાનું સામે આવ્યું હતું જેથી કરીને મચ્છુ નદીના કાંઠેથી આરોપી ફરદિન હાજીમહમદભાઈ માણેક અને સાજીદ અયુબભાઈ મીરા રહે. બંને નવલખી રોડ મોરબી વાળા મળી આવ્યા હતા જેથી કરીને પોલીસે દેશી દારૂ બનાવવા માટેનો 1800 લિટર આથો, 385 લિટર દેશી દારૂ અને દારૂની હેરફેરી માટે ઉપયોગમાં લેવામાં આવતી મહિન્દ્ર પીકઅપ ગાડી નંબર જીજે 36 વી 8247 જેની કિંમત 5 લાખ આમ કુલ મળીને 6.22 લાખનો મુદામાલ કબ્જે કર્યો હતો અને પકડાયેલા શખ્સોની પૂછપરછમાં અન્ય આરોપી આરીફ જેડા રહે. વિસીપરા મોરબી વાળાનું નામ સામે આવ્યું હતું જેથી ત્રણેય શખ્સોની સામે માળિયા તાલુકા પોલીસ સ્ટેશનમાં ગુનો નોંધીને આગળની કાર્યવાહી કરેલ છે.

દારૂના ગુનામાં ફરાર આરોપી ઝડપાયો
ટંકારામાં ક્રેટા કારમાંથી દારૂ ઝડપાયો હતો. જો કે, આરોપી છેલ્લા ત્રણ મહિનાથી ફરાર હતો તેને ટંકારા તાલુકા પોલીસે ઝડપી લીધેલ છે. વધુમાં પોલીસે જણાવ્યુ હતું કે, તા.8 માર્ચના રોજ રોહીશાળા અને નેકનામ રોડથી આરોપી ઉદયસિંહ સહદેવસિંહ ઝાલા રહે. મેઘપર ઝાલા અને કુલદિપસિંહ પ્રવિણસિંહ ઝાલા રહે. જોધપર ઝાલા વાળા ક્રેટા કારમાંથી 1.29 લાખના દારૂ-બિયર  સાથે પકડાયેલ હતા જે ગુનામાં સહ આરોપી તરીકે યોગીરાજસિંહ ગીરીરાજસિંહ જાડેજા રહે. અગાભી પીપળીયા તાલુકો વાંકાનેર વાળાનુ નામ સામે આવ્યું હતું જે છેલ્લા ત્રણેક મહીનાથી ફરાર હતો તેને મિતાણા ચોકડી પાસેથી ટંકારા પોલીસ દ્વારા પકડવામાં આવેલ છે અને આગળની કાર્યવાહી કરવામાં આવેલ છે.




Latest News