મોરબીની જિલ્લા કોર્ટના પટાંગણમાં, ગાળા નજીક કારખાનામાં અને જૈન જાગૃતિ સેન્ટર દ્વારા યોગ દિવસ ઉજવાયો
SHARE
JOIN OUR GROUP
મોરબીની જિલ્લા કોર્ટના પટાંગણમાં, ગાળા નજીક કારખાનામાં અને જૈન જાગૃતિ સેન્ટર દ્વારા યોગ દિવસ ઉજવાયો
11મા આંતરરાષ્ટ્રીય યોગ દિવસની ઉજવણી ઠેરઠેર કરવામાં આવેલ છે ત્યારે મોરબીમાં જૈન જાગૃતિ સેન્ટર લેડીઝ વિંગ દ્વારા પણ યોગ દિવસની ઉજવણી કરવામાં આવી હતી અને બહેનોએ સાથે યોગભ્યાસ કર્યો હતો. આ કાર્યક્રમને સફળ બનાવવા માટે જૈન જાગૃતિ લેડીઝ વિંગના પ્રેસિડેન્ટ ખ્યાતિબેન શેઠ અને કમિટીના સભ્યોનો સહકાર મળ્યો હતો. જયારે મોરબી જિલ્લા કોર્ટના કમ્પાઉન્ડમાં આંતરરાષ્ટ્રીય યોગ દિવસની ઉજવણી કરવામાં આવી હતી. જેમાં પ્રિન્સિપાલ ડિસ્ટ્રીક્ટ જજ કે.આર.પંડ્યા ખાસ હાજર રહ્યા હતા અને તે ઉપરાંત અન્ય જજ, કોર્ટના કર્મચારીઓ સહિતના હાજર રહ્યા હતા અને યોગા કોચ ચાંદની પટેલ દ્વારા યોગાભ્યાસ કરાવવામાં આવ્યો હતો. આ કાર્યક્રમ ડિસ્ટ્રીક્ટ લિગલ સર્વિસ ઓથોરિટી મોરબીના સેક્રેટરી ડી.એ. પારેખના માર્ગદર્શન યોજાયો હતો. તો મોરબીના ગાળા ગામ પાસે આવેલ કેરોવિટ ગ્લૉબલ પ્રા.લિ. કંપની અને કજારિયા ગ્રુપ દ્વારા યોગ દિવસની ઉજવણી કરવામાં આવી હતી ત્યારે તમામ કર્મચારીઓ સહિતનાઓ યોગભ્યાસમાં જોડાયા હતા. ત્યારે આરોગ્ય વિભાગના સુપરવાઈઝર દીપકભાઈ વ્યાસ (લાલપર) દ્વારા યોગાસનો, પ્રાણાયામ અને ધ્યાન કરાવવામાં આવ્યું હતું.
