મોરબી અને માળીયામાં દારૂની ચાર રેડ: 5 બોટલ દારૂ, 13 બીયરના ટીન અને 900 લિટર આથો ઝડપાયો
Morbi Today
મોરબીમાં ઘરમાં થયેલ ઘરેણાંની ચોરીની શંકા રાખીને પતિએ પત્નીને એસિડ નાખીને મારી નાખવાની આપી ધમકી
SHARE
JOIN OUR GROUP
મોરબીમાં ઘરમાં થયેલ ઘરેણાંની ચોરીની શંકા રાખીને પતિએ પત્નીને એસિડ નાખીને મારી નાખવાની આપી ધમકી
મોરબીના નવલખી રોડ ઉપર આવેલ હરીપાર્ક સોસાયટીના મકાનમાં રહેતી મહિલાના ઘરમાં ઘરેણાંની ચોરી થયેલ હતી જે બાબતે તે મહિલાના પતિએ તેના ઉપર શંકા કરીને ગાળો આપી હતી ઢીકાપાટુનો મારમાર્યો હતો તથા સ્કૂટર લઈને નીકળી એટ્લે એસિડ નાખીને મારી નાખવાની ધમકી આપી હતી જેથી ભોગ બનેલ મહિલાએ મોરબી બી ડિવિઝન પોલીસ સ્ટેશન ખાતે પોતાના પતિ સામે ફરિયાદ નોંધાવતા પોલીસ આરોપીને પકડવા માટે તજવીજ શરૂ કરેલ છે.
જાણવા મળતી માહિતી મુજબ મૂળ પાટણ જિલ્લાના રહેવાસી અને હાલમાં મોરબીના નવલખી રોડ ઉપર આવેલ હરીપાર્ક સોસાયટીના મકાન નંબર 58 માં રહેતા જાગૃતીબેન જલાજીભાઈ ઠાકોર (35)એ મોરબી બી ડિવિઝન પોલીસ સ્ટેશન ખાતે પોતાના પતિ જલાજીભાઈ કાનજીભાઈ ઠાકોર રહે. ગણેશપુરા તાલુકો હારીજ જીલ્લો પાટણ વાળાની સામે ફરિયાદ નોંધાવેલ છે જેમાં જણાવ્યુ છે કે, તેઓના રહેણાંક મકાનમાં ઘરેણાંની ચોરી થયેલ હતી જે બાબતે તેના પતિએ તેના ઉપર શંકા કરી હતી અને ત્યારબાદ તેને ગાળો આપીને ઢીકાપાટુનો મારમાર્યો હતો અને સ્કૂટર લઈને નીકળી એટલે એસિડ નાખીને મારી નાખવાની ધમકી આપી હતી જેથી ભોગ બનેલ મહિલા દ્વારા મોરબી બી ડિવિઝન પોલીસ સ્ટેશન ખાતે ફરિયાદ નોંધાવવામાં આવતા પોલીસે મહિલાના પતિ સામે ગુનો નોંધીને આરોપીને પકડવા માટે તજવીજ શરૂ કરેલ છે.
