મોરબીના જાંબુડીયા નજીક ટ્રક ટ્રેલરના ચાલકે બાઇકને ઠોકર મારતા યુવાનનું મોત

મોરબી વાંકાનેર હાઈવે રોડ પર આવેલ જાંબુડીયા ગામ પાસે નાયરાના પેટ્રોલ પંપ સામેથી બાઇક લઈને યુવાન પસાર થઈ રહ્યો હતો દરમિયાન બાઇકને ટ્રક ટ્રેલરના ચાલકે ઠોકર મારી હતી જેથી અકસ્માતનો બનાવ બનેલ હતો જેમાં યુવાનને હાથે, પગે અને શરીરે ગંભીર ઇજા થયેલ હતી જેથી કરીને તે યુવાનનું મોત નીપજયું હતું જે બનાવ સંદર્ભે મૃતક યુવાનના ભાઈઓ નોંધાવેલ ફરિયાદ આધારે પોલીસે ટ્રક ટ્રેલરના ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે

મૂળ અમરેલી જિલ્લાના રહેવાસી અને હાલમાં મોરબીના નાની વાવડી ગામે સિદ્ધિવિનાયક પાર્ક-2 માં રહેતા ઘનશ્યામભાઈ ભુપતભાઈ ચારોલીયા (27) એ ટ્રક ટ્રેલર નંબર જીજે 12 બીઝેડ 2157 ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં જણાવ્યું છે કે મોરબી વાંકાનેર હાઇવે રોડ ઉપર આવેલ જાંબુડીયા ગામ પાસે નાયરાના પેટ્રોલ પંપની સામેના ભાગમાંથી તેના મોટાભાઈ ધર્મેશભાઈ ભુપતભાઈ ચારોલીયા (30) બાઈક નંબર જીજે 14 એક્યૂ 1616 લઈને પસાર થઈ રહ્યા હતા ત્યારે તેના બાઈકને ટ્રક ટ્રેલરના ચાલકે ઠોકર મારી હતી જેથી અકસ્માતનો બનાવ બન્યો હતો અને તે બનાવમાં ફરિયાદીના ભાઈને હાથે, પગે અને શરીરે ગંભીર ઇજાઓ થઈ હોવાના કારણે તેનું મોત નીપજયું હતું અને અકસ્માત મૃત્યુના બનાવ સંદર્ભે મૃતક યુવાનના ભાઈએ નોંધાવેલ ફરીયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે