મોરબીમાં ખાનપર ગામે ખેતીની જમીન પચાવી પાડવા કબ્જો કરનાર બે શખ્સની લેન્ડ ગ્રેબિંગના ગુનામાં ધરપકડ
SHARE
JOIN OUR GROUP
મોરબીમાં ખાનપર ગામે ખેતીની જમીન પચાવી પાડવા કબ્જો કરનાર બે શખ્સની લેન્ડ ગ્રેબિંગના ગુનામાં ધરપકડ
મોરબીમાં ખાનપર ગામે યુવાનની ખેતીની જમીન ઉપર ગેરકાયદે કબજો કરી લેવામાં આવ્યો હતો અને તે જમીનમાં વાવેતર કરી આર્થિક ઉપજ લેવામાં આવી રહી હતી જેથી જમીન ઉપર અનઅધિકૃત રીતે કબજો કરનાર બે શખ્સોની સામે મોરબી તાલુકા પોલીસ સ્ટેશન ખાતે યુવાને ફરિયાદ કરી હતી જે લેન્ડ ગ્રેબિંગના ગુનામાં બે આરોપીની ધરપકડ કરવામાં આવેલ છે.
મોરબીના એસપી રોડ ઉપર આવેલ ભક્તિનિકેતન સોસાયટીમાં ફ્લોરા-17 બ્લોક નં. બી/201 માં રહેતા વસંતભાઈ છગનભાઈ રાજકોટિયા (49)એ થોડા સમય પહેલા પ્રકાશભાઈ તરશીભાઈ જીવાણી અને કલ્પેશભાઈ તરશીભાઈ જીવાણી રહે. બંને ખાનપર વાળાની સામે મોરબી તાલુકા પોલીસ સ્ટેશન ખાતે ફરિયાદ કરી હતી કે, ખાનપર ગામની સીમમાં સર્વે નંબર 34 પૈકી 9 ની જમીન હેક્ટર 00-95-10 ચોરસ મીટર વાળી તેની માલિકીની ખેતીની જમીન છે જેના ઉપર બંને આરોપીઓએ ગેરકાયદેસર કબજો કર્યો છે અને ત્યાં વાવેતર કરી આર્થિક ઉપજ મેળવેલ છે અને જમીનનો અનઅધિકૃત કબજો રાખી જમીન પચાવી પાડવા માટે તેને ખાલી કરેલ નથી જેથી ભોગ બનેલ યુવાને નોંધાવેલ ફરિયાદ આધારે પોલીસે ગુનો નોંધીને આરોપીઓને પકડવા માટે તજવીજ શરૂ કરી હતી અને આ ગુનાની તપાસ કરી રહેલા મોરબીના ડીવાયએસપી પી.એ.ઝાલા અને તેની ટીમે આરોપી પ્રકાશભાઈ તરશીભાઈ જીવાણી (38) અને કલ્પેશભાઈ તરશીભાઈ જીવાણી (34) રહે. બંને ખાનપર વાળાની ધરપકડ કરેલ છે અને આગળની કાર્યવાહી હાથ ધરી છે.
