મોરબીના ભરતનગર પાસે અજાણ્યા વાહન ચાલકે બાઇકને હડફેટે લેતા યુવાનનું મોત

મોરબીના ભરતનગર ગામ પાસેથી યુવાન બાઈક લઈને પસાર થઈ રહ્યો હતો ત્યારે તેના બાઈકને કોઈ અજાણ્યા વાહન ચાલકે હડફેટે લેતા અકસ્માત થયો હતો જે બનાવમાં યુવાનને ગંભીર ઈજા થઈ હોવાથી તેનું મોત નીપજયું હતું અને અકસ્માત સર્જીને અજાણ્યો વાહન ચાલાક તેનું વાહન લઈને નાસી છૂટ્યો હતો જેથી હાલમાં મૃતક યુવાનના પિતાએ નોંધાવેલ ફરિયાદ આધારે પોલીસે અજાણ્યા વાહન ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે.

મૂળ મધ્યપ્રદેશના રહેવાસી લલૂઆ દસઇયા પ્રજાપતિ (52) એ હાલમાં અજાણ્યા વાહન ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં જણાવ્યું છે કે, મોરબી માળિયા હાઇવે રોડ ઉપર આવેલ ભરતનગર ગામ પાસે શ્રીકૃષ્ણ હોટલ સામેથી ફરિયાદીનો દીકરો અભિષેકકુમાર લલૂઆ પ્રજાપતિ બાઇક નંબર જીજે 3 એચપી 6190 લઈને પસાર થઈ રહ્યો હતો ત્યારે અજાણ્યા વાહન ચાલકે તેના બાઇકને હડફેટે લીધું હતું અને અકસ્માત સર્જ્યો હતો.આ  અકસ્માતના બનાવમાં ફરિયાદીના દીકરાને શરીરે ગંભીર ઇજા થઈ હતી જેથી તેનું મોત નીપજયું હતું અને અકસ્માત સર્જનાર વાહન ચાલક પોતાનું વાહન લઇને નાસી છૂટ્યો હતો જે બનાવ સંદર્ભે હાલમાં મૃતક યુવાનના પિતાએ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.

વરલી જુગાર

વાંકાનેરના સરતાનપર રોડ ઉપર આગમન હોટલની પાછળના ભાગમાં ખરાબાની જગ્યામાં વરલીના આંકડા લેવામાં આવતા હતા ત્યાં જુગારની રેડ કરી હતી ત્યારે સ્થળ ઉપરથી 420 ની રોકડ સાથે સંજયભાઈ લાભુભાઈ જાદવ (21) રહે.રાતાવિરડા તા.વાંકાનેરની ધરપકડ કરી હતી અને તેની સામે ગુનો નોંધી આગળની કાર્યવાહી હાથ ધરી છે