મોરબીના લક્ષ્મીનગર નજીક ગેરેજ પાસે બેઠેલા યુવાનનું હાર્ટ એટેકથી મોત
Morbi Today
માળીયા (મી)ના ખાખરેચી નજીક પવનચક્કીમાં પાવર સપ્લાઈના વાયરને કાપીને 64 મીટર કેબલ વાયરની ચોરી
SHARE
JOIN OUR GROUP
માળીયા (મી)ના ખાખરેચી નજીક પવનચક્કીમાં પાવર સપ્લાઈના વાયરને કાપીને 64 મીટર કેબલ વાયરની ચોરી
માળીયા (મી)ના ખાખરેચીથી વેણાસર ગામ તરફ જવાના રસ્તા ઉપર આવેલ પવનચક્કીમાંથી 64 મીટર જેટલા કેબલ વાયરને કાપીને તેની ચોરી કરવામાં આવી છે જેથી 23,040 રૂપિયાની કિંમતમાં મુદ્દામાલની ચોરી થઈ હોવાની માળિયા તાલુકા પોલીસ સ્ટેશન ખાતે ફરિયાદ નોંધાવવામાં આવી છે જેના આધારે પોલીસે આરોપીને પકડવા માટે તજવીજ શરૂ કરેલ છે
માળીયા (મી)ના કાજરડા ગામે રહેતા રમજાનભાઈ મુસાભાઇ કાજેડીયા (44)એ અજાણ્યા શખ્સની સામે ચોરીની ફરિયાદ નોંધાવેલ છે જેમાં જણાવ્યુ છે કે, માળિયાના ખાખરેચીથી વેણાસર તરફ જવાના રસ્તા ઉપર આવેલ પર્ફોર્મન્સ ફાઈબર્સ લીમીટેડ બોમ્બે કંપનીની પવનચકી નંબર SLP-3(PVKH-9) વાળીનુ તાળુ તોડી પવનચકીમા પ્રવેશ કરી અજાણ્ય શખ્સે ત્યાં પાવર સપ્લાય માટેના કેબલ વાયરમાં પહેલા માળેથી ભોંયતળિયા સુધીના વાયરને કોઈ ધારદાર વસ્તીથી કાપી નાખ્યો હતો અને 64 મીટર કેબલ વાયર જેની કિંમત 23,040 થાય છે તે કેબલ વાયરની ચોરી કરવામાં આવેલ છે જેથી યુવાને નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
બે બોટલ દારૂ
મોરબીના શોભેશ્વર મંદિર પાસે જાહેરમાંથી પસાર થઈ રહેલા શખ્સને રોકીને પોલીસ ચેક કરતા તેની પાસેથી દારૂની બે બોટલ મળી આવી હતી જેથી 2200 રૂપિયાની કિંમતની દારૂની બોટલ સાથે પોલીસે સંજયભાઈ હેમંતભાઈ ખીમાણી (28) રહે. શોભેશ્વર રોડ શાંતિવન સોસાયટી મોરબી વાળાની ધરપકડ કરી હતી અને બી ડિવિઝન પોલીસ સ્ટેશન ખાતે ગુનો નોંધાયો છે.
ઝેરી દવા પી જતા સારવારમાં
હળવદ તાલુકાના ઘનશ્યામપુર ગામે રહેતો વિશ્વાસ લક્ષ્મણભાઈ રાઠોડ (18) નામનો યુવાન કોઈ કારણોસર ઝેરી દવા પી જતા તેને સારવાર માટે મોરબીની ખાનગી હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની પોલીસને જાણ કરતા પોલીસ આગળની કાર્યવાહી હાથ ધરી છે
મારામારીમાં ઇજા
મોરબીના પીપળી ગામે રહેતા બળદેવભાઈ લાભુભાઈ રાજપરા (35) નામના યુવાનને તિરુપતિ સોસાયટી પાસે પીપળી ગામ નજીક મારામારીના બનાવમાં ઈજા થઇ હતી જેથી તેને સારવાર માટે મોરબીની સિવિલ હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની તાલુકા પોલીસને જાણ કરી હતી.
