વાંકાનેરના રાતાવિરડા ગામ નવાપરા વિસ્તારમાં રહેતા મોજેરામ કેશવદાસ દુધરેજીયા (55)એ ટ્રક નંબર એમપી 9 એચએચ 6919 ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં જણાવ્યુ છે કે, મોરબી વાંકાનેર નેશનલ હાઈવે રોડ ઉપર મકાનસર ગામ પાસે આવેલ આરાધના કારખાના સામેની કટમાંથી ફરિયાદી તથા કરણાભાઈ ગોલતર બંને કરણાભાઇના બાઈક નંબર જીજે 13 એલ 3327 માં જઈ રહ્યા હતા જ્યારે સાહેદની રીક્ષા નંબર જીજે 36 ડબલ્યુ 1665 ત્યાં ઉભી હતી ત્યારે પાછળથી આરોપી તેના હવાલા વાળો ટ્રક લઈને આવ્યો હતો અને બાઇક તેમજ રિક્ષાને હડફેટે લઈને અકસ્માત કર્યો હતો જે બનાવમાં ફરિયાદીને મણકાના તથા પાંસળીના ભાગે ફ્રેકચર જેવી ઇજા તેમજ જમણા પગનું પંજાનું હાડકું ભાંગી ગયેલ છે અને જમણા હાથે નાના મોટી ઈજાઓ થયેલ છે જ્યારે સાહેદ કરણાભાઈને જમણા પગના ઢીંચણના ભાગે અને મણકાના ભાગે ઈજા થયેલ છે અને કમરમાં ફેક્ચર થયું છે અને સાહેદની રિક્ષામાં નુકસાની થયેલ છે જેથી ઇજા પામેલા બંને વ્યક્તિઓને સારવાર માટે હોસ્પિટલે લઈને આવ્યા હતા અને ત્યારબાદ આધેડે નોંધાવેલ ફરિયાદ આધારે પોલીસે ટ્રક ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે.