મોરબીના ગાયત્રીનગરમાં જુગાર રમતા 3 મહિલા સહિત કુલ 6 વ્યક્તિ ઝડપાયા

મોરબીના વાવડી રોડ ઉપર આવેલ ગાયત્રીનગર શેરી નં-3 માં જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી ત્રણ મહિલા સહિત કુલ છ વ્યક્તિઓ જુગાર રમતા મળી આવ્યા હોય પોલીસે તેની પાસેથી 16,100 ની રોકડ કબજે કરી હતી અને મોરબી એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.

મોરબી સીટી એ ડિવિઝન પોલીસની ટીમ પેટ્રોલિંગ હતી ત્યારે મોરબીના વાવડી રોડ ઉપર આવેલ ગાયત્રીનગર શેરી નં-3 માં જાહેરમાં જુગાર રમતા હોવાની હકીકત મળી હતી જેથી પોલીસે ત્યાં જુગારની રેડ કરી હતી ત્યારે સ્થળ ઉપરથી શૈલેષભાઈ દેવજીભાઈ મામેજા રહે. ત્રાજપર ખારી મોરબી, જગદીશભાઈ ઉર્ફે જયદીપ શિવાભાઈ ખટાણા રહે. ગાયત્રીનગર મોરબી, સંજય ધનજીભાઈ ગણેશિયા રહે. ત્રાજપર ખારી મોરબી, કરુણાબેન દિનેશભાઈ કોળી રહે. લખધીરનગર મોરબી, અંજનાબેન જગદીશભાઈ ખટાણા રહે. ગાયત્રીનગર મોરબી તથા વનિતાબેન હરેશભાઈ રાઠોડ રહે. ત્રાજપર ખારી મોરબી વાળા જુગાર રમતા મળી આવ્યા હોય પોલીસે તેઓની પાસેથી 16,100 ની રોકડ કબજે કરી હતી અને મોરબી એ ડિવિઝન પોલીસ સ્ટેશન ખાતે જુગાર ધારા હેઠળ ગુનો નોંધીને પોલીસે આગળની રાબેતા મુજબની કાર્યવાહી હાથ ધરી છે

વૃદ્ધા સારવારમાં

મોરબીના બાયપાસ રોડ ઉપર આવેલ કામધેનુ પાર્ટી પ્લોટની પાસે આવાસ યોજનામાં રહેતા મીનાબેન ઘેલા (70) નામના વૃદ્ધાને ઘરે મારામારીના બનાવમાં ઈજા થઈ હતી જેથી સારવાર માટે હોસ્પિટલે લઈને આવ્યા હતા ત્યાં તેને સારવાર આપીને આ બનાવની પોલીસને જાણ કરવામાં આવી હતી