રાજકોટથી આમરણ દર્શન કરવા જતાં દંપતીને નડ્યો અકસ્માત: બુલેટને કાર ચાલકે હડફેટે લેતા મહિલાના હાથની આંગળી કાપાઈ, યુવાન પણ ઇજાગ્રસ્ત

ટંકારા રાજકોટ હાઇવે રોડ ઉપર આવેલ જબલપુર ગામના પાટીયા પાસેથી દંપતી બુલેટ ઉપર પસાર થઈ રહ્યું હતું ત્યારે ગાયોનું ટોળું આડું આવતા યુવાને તેનું બુલેટ ધીમું કર્યું હતું ત્યારે પાછળથી આવી રહેલ કાર ચાલકે બુલેટને હડફેટે લેતા અકસ્માત થયો હતો જે બનાવમાં યુવાનને ઇજા થઈ હતી અને તેની પત્નીને કાંડામાં ફ્રેક્ચર તથા જમણા હાથની આંગળી કપાઈ જવાના કારણે તેને સારવાર માટે હોસ્પિટલે લઇ ગયા હતા અને ત્યારબાદ તેણે નોંધાવેલ ફરિયાદ આધારે પોલીસે કાર ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

રાજકોટમાં આવેલ પ્રિયદર્શન સોસાયટી શેરી નં-6 માં રહેતા વિજયભાઈ કિશોરભાઈ ચૌહાણ (31)એ કાર નંબર જીજે 36 એસી 4321 ના ચાલક સામે ટંકારા તાલુકા પોલીસ સ્ટેશન ખાતે ફરિયાદ નોંધાવી છે જેમાં જણાવ્યુ છે કે, ગત તા. 23/10 ના રોજ બપોરના 12:00 વાગ્યાના અરસામાં તેઓ પોતાના પત્ની ગાયત્રીબેનને પોતાના બુલેટ નંબર જીજે 3 એમક્યુ 1994 માં બેસાડીને રાજકોટથી આમરણ દર્શન કરવા માટે થઈને જતા હતા ત્યારે રાજકોટ મોરબી હાઇવે રોડ ઉપર આવેલ જબલપુર ગામના પાટીયા પાસે ખજુરા હોટલ પાસેથી તેઓ પસાર થતા હતા ત્યારે તેઓના બુલેટની આડે ગાયોનું ટોળું આવ્યું હતું જેથી ફરિયાદી તેનું બુલેટ ધીમી કર્યું હતું ત્યારે પાછળથી આવી રહેલ કાર ચાલકે તેની કાર બુલેટમાં અથડાવી હતી જેથી અકસ્માત થયો હતો અને આ બનાવમાં ફરિયાદીને ઇજાઓ થઈ હતી જ્યારે તેના પત્ની ગાયત્રીબેનને માથામાં તથા શરીરે ઇજા થઈ હતી તેમજ જમણા હાથના કાંડામાં ફેક્ચર અને જમણા હાથની આંગળી કપાઈ જવાના કારણે તેને સારવાર માટે હોસ્પિટલે લઈ ગયા હતા અને ત્યાં તેને સારવાર લીધા બાદ હાલમાં યુવાને ટંકારા તાલુકા પોલીસ સ્ટેશન ખાતે કાર ચાલક સામે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

વરલી જુગારની ત્રણ રેડ

મોરબીમાં રવાપર રોડ પર ચકિયા હનુમાન પાસે વરલી જુગારની રેડ કરી હતી ત્યારે સ્થળ ઉપરથી અમિતભાઈ વિઠ્ઠલભાઈ ખેરડીયા (45) રહે. સનાળા બાયપાસ આનંદનગર મોરબી વાળો વરલી જુગારના આંકડા લેતા મળી આવ્યો હોય પોલીસે 900 ની રોકડ સાથે તેની ધરપકડ કરી હતી જયારે માળિયામાં આવેલ સરકારી હોસ્પિટલ જવાના રસ્તા ઉપર વરલી જુગારની રેડ કરી હતી ત્યારે વરલીના આંકડા લેતા વલીમહમદભાઈ કરીમભાઈ મોવર (30) રહે. ગેબનશા પીરની દરગાહ પાસે માળિયા મીયાણા વાળો મળી આવતા પોલીસે 250 રૂપિયાની રોકડ સાથે તેની ધરપકડ કરી હતી આ ઉપરાંત માળીયા મીયાણામાં રેલવે સ્ટેશન જવાના રસ્તા ઉપર વરલી જુગારની રેડ કરવામાં આવી હતી ત્યારે અલિયાસભાઈ હુસેનભાઇ ખોડ (24) રહે. મોટી બજાર માળિયા મીયાણા વાળો વરલીના આંકડા લેતા મળી આવ્યો હોય પોલીસે 350 રૂપિયાની રોકડ સાથે તેની ધરપકડ કરી હતી.