મોરબી હળવદ હાઇવે રોડ ઉપર દ્વારકાધીશ હોટલમાંથી 9.48 ગ્રામ મેફેડ્રોન ડ્રગ્સ સાથે આરોપીની ધરપકડ
Morbi Today
આમ કેમ કહેવું સલામતીની સવારી એસટી અમારી: મોરબી નજીક ટ્રેક્ટર લોડરમાં એસટીની બસ ધડાકાભેર અથડાઈ
SHARE
JOIN OUR GROUP
આમ કેમ કહેવું સલામતીની સવારી એસટી અમારી: મોરબી નજીક ટ્રેક્ટર લોડરમાં એસટીની બસ ધડાકાભેર અથડાઈ
મોરબીના રંગપર ગામ નજીક રોડ ઉપર ટ્રેક્ટર લોડર અને એસટી બસ વચ્ચે અકસ્માત થયો હતો જે બનાવમાં કોઈ જાનહાની થયેલ નથી પરંતુ જે અકસ્માત થયો છે તેનો સીસીટીવી કેમેરાનો વિડિઓ વાયરલ થયો છે જે જોતા સલામતીની સવારી એસટી અમારી કેવી રીતે કહેવું તે સૌથી મોટો સવાલ ઊભો થઈ રહ્યો છે.
મોરબીના જેતપર રોડ પર આવેલ રંગપર ગામ પાસેથી મોરબી ઘાટીલા રૂટની એસટી બસ પસાર થઈ રહી હતી ત્યારે સામેથી રોંગ સાઈડમાં આવી રહેલ ટ્રેક્ટર લોડર સાથે અકસ્માત થયો હતો અને તે બનાવમાં એસટી બસમાં આગળના ભાગે નુકસાની થયેલ હતી સદનસીબે અકસ્માતના આ બનાવમાં કોઈ જાનહાની થયેલ નથી વધુમાં સ્થાનિક લોકો પાસેથી મળતી વિગત પ્રમાણે એસટી બસના ચાલક ટ્રકનો ઓવરટેક કરવા માટે જઈ રહ્યા હતા દરમિયાન સામેથી રોંગ સાઈડમાં ટ્રેક્ટર લોડર આવ્યું હતું અને તેની સાથે બસ અથડાવવાના કારણે આ અકસ્માતનો બનાવ બન્યો હતો. અત્રે ઉલ્લેખની છે કે, ગઈકાલે બપોરના સમયે સર્જાયેલ અકસ્માતના આ બનાવનો આજે સવારથી મોરબીના સોશિયલ મીડિયામાં વિડીયો વાયરલ થયેલ છે જેમાં એસટી બસ ધડાકાભેર લોડર ટ્રેક્ટર સાથે અથડાઈ રહી છે તે જોતા એસટી નું સૂત્ર સલામતી સવારી એસટી અમારી કેવી રીતે સાર્થક થાય તેવો સવાલ ઉઠી રહ્યો છે
