મોરબીના હળવદ રોડે મહેન્દ્રનગર ગામ નજીક ડિવાઈડરની કટ પાસે ટ્રક ચાલકે કારને હડફેટે લીધી: વિડીયો વાયરલ
SHARE
JOIN OUR GROUP
મોરબીના હળવદ રોડે મહેન્દ્રનગર ગામ નજીક ડિવાઈડરની કટ પાસે ટ્રક ચાલકે કારને હડફેટે લીધી: વિડીયો વાયરલ
મોરબીના હળવદ રોડ ઉપર આજે અકસ્માતની ઘટના બની હતી જેમાં ડિવાઈડર પાસે ઊભેલી કારને ટ્રક ચાલકે ટક્કર માર્યા બાદ ટ્રકની પાછળ ટ્રક અથડાતા ત્રીપલ અકસ્માત થયો હતો અને ત્યારબાદ ગણતરીની મિનિટોમાં બીજી અકસ્માતની ઘટના ત્યાં જ બની હતી જે બંને બનાવ સીસીટીવી કેમેરામાં કેદ થયેલ છે અને તે વીડિયો વાયરલ થયો છે.
મોરબીના મહેન્દ્રનગર ગામથી હળવદ તરફ જવાના રસ્તા ઉપર શીવાય પેટ્રોલ પંપની સામેના ભાગમાં આવેલ ડિવાઈડરની કટ પાસે કાર ચાલક પોતાની કારને રોડ ક્રોસ કરવા માટે લઈને ઉભો હતો ત્યારે ટ્રક ચાલકે પહેલા પોતાને ટ્રકને બ્રેક કર્યો હતો ત્યારબાદ તે ટ્રકને આગળ લેતાની સાથે જ કારને હડફેટ લીધી હતી અને કાર અને ટ્રક વચ્ચે અકસ્માત સર્જાયો હતો ત્યારબાદ ટ્રકની પાછળ આવેલ ટ્રક અથડાતા ત્રીપલ અકસ્માત થયો હતો જોકે સદનસીબે આ અકસ્માતના બનાવમાં કોઈ જીવલણ ઘટના બની નથી અને ત્યારબાદ તે જ જગ્યા ઉપર ડિવાઈડરની કટ પાસેથી બાઈક ચાલક પોતાનું બાઈક લઈને રોડ ક્રોસ કરી રહ્યો હતો દરમિયાન સામેથી આવી રહેલા બીજા બાઇક ચાલકે તેને હડફેટે લેતા અકસ્માત થયો હતો હાલમાં અકસ્માતના આ બંને બનાવ સીસીટીવી કેમેરામાં કેદ થયા છે જેનો વિડીયો સોશિયલ મીડિયામાં વાયરલ થઈ રહ્યા છે
