મોરબીના લૂંટાવદર નજીક રિપેરિંગ કરતાં સમયે મેટાડોર ચાલુ થઈ જતાં ઇજા પામેલ આધેડ સારવારમાં
SHARE
JOIN OUR GROUP
મોરબીના લૂંટાવદર નજીક રિપેરિંગ કરતાં સમયે મેટાડોર ચાલુ થઈ જતાં ઇજા પામેલ આધેડ સારવારમાં
મોરબીના નવલખી રોડ ઉપર આવેલ લૂંટાવદર ગામ નજીક મેટાડોર રીપેર કરતા હતા અને મેટાડોર અચાનક ચાલુ થઈ ગયું હતું અને આધેડના પગ ઉપરથી ફરી ગયું હતું જેથી કરીને ઇજા પામેલા આધેડને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની તાલુકા પોલીસને જાણ કરવામાં આવી હતી.
મોરબી નજીકના નાનીવાવડી ગામે શિવવિલામાં રહેતા વિનોદભાઈ ચકુભાઈ ઠોરીયા (50) નવલખી રોડ ઉપર આવેલ લૂંટાવદર ગામ પાસે મેટાડોર રીપેર કરતા હતા ત્યારે અચાનક તે મેટાડોર ચાલુ થઈ જતા આધેડાના પગ ઉપરથી તેનું વ્હીલ ફરી ગયું હતું જેથી ઈજા પામેલા હાલતમાં આધેડને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેઓને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.
મારામારીમાં ઈજા
મોરબીના જુના ઘૂટું રોડ ઉપર આવેલ એન્જલ સિરામિક ખાતે રહેતા મોહસીન રસીદભાઈ (25) નામના યુવાનને મારામારીના બનાવમાં ઈજા થઈ હતી જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી છે
મારામારીમાં ઈજા
મોરબી નજીક આવેલ નેપોલિયન સીરામીકમાં રહેતા સોનીદેવી બ્રિજેશભાઈ શાહ (25) નામની મહિલાને મારામારીના બનાવમાં ઇજા થઈ હોવાથી તેને સારવાર માટે મોરબીની સિવિલ હોસ્પિટલ ખાતે લાવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે પોલીસને જાણ કરવામાં આવી હતી
