ટંકારાના નસીતપર ગામ પાસે ટ્રક ચાલકે હડફેટે લેતા વોકિંગમાં નીકળેલા આધેડનું મોત

ટંકારા તાલુકાના નસીતપર ગામથી રાજપર ગામ તરફ જવાના રસ્તા ઉપર આધેડ વોકિંગ માટે નીકળ્યા હતા ત્યારે ટ્રક ચાલકે તેને હડફેટે લેતા અકસ્માતનો બનાવ બન્યો હતો જે બનાવમાં આધેડને શરીરે અને પગમાં ગંભીર ઇજા થઈ હતી જેથી તેને સારવારમાં લઈ ગયા હતા અને સારવાર દરમ્યાન તેનું મોત નીપજયું હતું જેથી આ બનાવ સંદર્ભે મૃતકના આધેડના ભાઈએ નોંધાવેલ ફરીયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

ટંકારા તાલુકાના નસીતપર ગામે રહેતા પ્રભુભાઈ નારણભાઈ અંદોદરીયા (64)એ હાલમાં ટ્રક નંબર જીજે 3 બી 7885 ના ચાલક સામે ટંકારા તાલુકા પોલીસ સ્ટેશન ખાતે ફરિયાદ નોંધાવી છે જેમાં જણાવ્યુ છે કે, નસીતપરથી રાજપર ગામ તરફ જવાના રસ્તા ઉપર તેઓના નાના ભાઈ પ્રાણજીવનભાઈ નારણભાઈ અંદોદરીયા (52) વોકિંગ માટે થઈને નીકળ્યા હતા અને ત્યારે નાલા પાસે ટ્રક ચાલકે તેઓને હડફેટે લેતા અકસ્માતનો બનાવ બનેલ હતો જે બનાવમાં ફરિયાદીના ભાઈને શરીરે અને જમણા પગે ગંભીર ઈજા થઈ હોવાથી તેને સારવાર માટે હોસ્પિટલે લઇ ગયા હતા અને સારવાર દરમિયાન તેનું મોત નીપજ્યું હતું જેથી આ બનાવ સંદર્ભે મૃતક આધેડના ભાઈએ નોંધાવેલ ફરિયાદ આધારે પોલીસે ટ્રક ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે.