હળવદના સાપકડા ગામે આખો દિવસ રખડતા યુવાનને પિતાએ ઠપકો આપતા અણધાર્યું પગલું ભર્યું

હળવદના સાપકડા ગામની સીમમાં વાડીએ રહીને મજૂરી કામ કરતા પરિવારનો યુવાન દીકરો આખો દિવસ રખડતો હતો જેથી તેના પિતાએ તેને ઠપકો આપ્યો હતો જે બાબતે યુવાનને મનોમન લાગી આવતા તેણે ઝેરી દવા પી લીધી હતી જેથી તે યુવાનનું મોત નીપજયું હતું ત્યારબાદ તેના મૃતદેહને પીએમ માટે હોસ્પિટલે લઇ ગયા હતા અને આ બનાવની મૃતક યુવાનના પિતાએ હળવદ તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.

મૂળ દાહોદ જિલ્લાના રહેવાસી અને હાલમાં હળવદ તાલુકાના સાપકડા ગામની સીમમાં રણજીતસિંહ જાદવની વાડીએ રહીને મજૂરી કામ કરતા જુવાનસિંહ ચતુરભાઈ બારીયા (53)ના 18 વર્ષના દીકરા રાજેશભાઈ જુવાનસિંહ બારીયાએ પોતે પોતાની જાતે ઝેરી દવા પી લેતા તેનું મોત નીપજ્યું હતું ત્યારબાદ તેના મૃતદેહને પીએમ માટે હળવદની સરકારી હોસ્પિટલ ખાતે લઈને આવ્યા હતા અને આપઘાતના આ બનાવની મૃતક યુવાનના પિતા દ્વારા હળવદ તાલુકા પોલીસ સ્ટેશન ખાતે જાણ કરવામાં આવી હતી વધુમાં પોલીસ પાસેથી મળતી વિગત પ્રમાણે મૃતક યુવાન આખો દિવસ રખડતો હતો જેથી કરીને તે યુવાનને તેના પિતાએ ઠપકો આપ્યો હતો અને તે બાબતે યુવાનને લાગી આવતા તેણે ઝેરી દવા પી લીધી હતી જેથી તેનું મોત નિપજ્યું છે જે અંગેની પોલીસે નોંધ કરીને આગળની કાર્યવાહી હાથ ધરી છે.