મોરબીની શ્રી પોલીસ લાઇન કુમાર શાળાના બાળકોએ જુનીયર ટાઇટન ઇવેન્ટની મોજ માણી
Morbi Today
ટંકારા નજીક ફોનમાં વાત કરતા કરતા હાથ-પગ શેકવા જતા દાઝી ગયેલી મહિલાનું મોત
SHARE
JOIN OUR GROUP
ટંકારા નજીક ફોનમાં વાત કરતા કરતા હાથ-પગ શેકવા જતા દાઝી ગયેલી મહિલાનું મોત
ટંકારા નજીક નશીતપર ગામ પાસે કારખાનામાં બનેલી ઘટના : પાંચેક દિવસની સારવારમાં આરતીબેને રાજકોટ સિવિલમાં દમ તોડ્યો
ઠંડી વધી રહીં છે ત્યારે લોકો તાપણું કરતા હોય છે અથવા આગ જુવે ત્યાં શરીર શેકવા લાગતા હોય છે ત્યારે ટંકારા નજીક નશીબપર ગામ પાસે કારખાનામાં ફોનમાં વાત કરતા કરતા હાથ-પગ શેકવા જતા મહિલા દાઝી ગઈ હતી. જેને રાજકોટ સિવિલ હોસ્પિટલમાં દાખલ કરાઈ હતી. અહીં પાંચેક દિવસ ચાલેલી સારવાર બાદ તેણીએ સારવારમાં દમ તોડી દીધો હતો.
મળતી વિગત અનુસાર, આરતીબેન દશરથભાઈ કદમ (55, રહે.લુંજન ફેક્ટરી, નસીબપર ગામ, ચાચાપર રોડ, તાલુકો ટંકારા, જીલ્લો મોરબી) ગઈકાલે બપોરે 12 વાગ્યા આસપાસ ઉપરોક્ત કંપનીના રૂમમાં જ્યાં તે પરિવાર સાથે રહેતી હતી ત્યાં ગેસના ચૂલાની આગમાં હાથ પગને શેકી તાપણુ કરતી હતી ત્યારે મોબાઈલમાં ફોન આવતા, ફોનમાં વાત કરતા કરતા ધ્યાન ન રહેતા આગની જાળ સાડીમાં લાગી જતા આખા શરીરે દાઝી ગઈ હતી.
જેને રાજકોટ સિવિલ હોસ્પિટલમાં ખસેડાઈ હતી. અહીં સારવાર દરમ્યાન આજે વહેલી સવારે તેમનું મોત નીપજ્યું હતું. પરિવારે જણાવ્યું કે, આરતીબેનને સંતાન 3 દીકરા અને 1 દીકરી છે. પતિ કારખાનામાં મજૂરી કરે છે. તેઓ મૂળ મધ્યપ્રદેશ ગ્વાલિયરના વતની છે. આરતીબેનના મોતથી પરિવારમાં શોક છવાયો હતો
