મોરબીના સોખડા ગામના પાટીયા પાસે ટેન્કર ચાલકે બેદરકારીપૂર્વક લેતા ટ્રક સાથે અકસ્માત થતા વાહનમાં નુકસાન, કોઈ જાનહાનિ નહીં
SHARE
JOIN OUR GROUP
મોરબીના સોખડા ગામના પાટીયા પાસે ટેન્કર ચાલકે બેદરકારીપૂર્વક લેતા ટ્રક સાથે અકસ્માત થતા વાહનમાં નુકસાન, કોઈ જાનહાનિ નહીં
મોરબીના સોખડા ગામના પાટીયા પાસે નેશનલ હાઈવે રોડ ઉપરની કટમાંથી ટ્રક ટેન્કરના ચાલકે બેદરકારી પૂર્વક વળાંક લીધો હતો અને ટ્રક સાથે તેનું ટેન્કર અથડાયું હતું જેથી અકસ્માત થયો હતો અને અકસ્માતના બનાવમાં ટ્રકમાં નુકસાન થયું હોય હાલમાં યુવાને નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
માળીયાહાટીના તાલુકાના શાંતિનગર ગામે રહેતા અને ડ્રાઇવિંગ કરતા મોહિતભાઈ બાબુભાઈ વઢવાણા (30)એ ટ્રક ટેન્કર નંબર જીજે 27 વી 3619 ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યું છે કે, મોરબી માળિયા હાઇવે રોડ ઉપર આવેલ સોખડા ગામના પાટીયા પાસે રોડની કટમાંથી આરોપીએ બેદરકારી પૂર્વક પોતાના ટેન્કરના વળાંક લીધો હતો જેથી ફરિયાદીના ટ્રક નંબર જીજે 32 ટી 8198 માં તે અથડાયું હતું અને અકસ્માત થયો હતો જે બનાવમાં ફરિયાદીના ટ્રકની અંદર નુકસાન થયેલ હોય હાલમાં યુવાને નોંધાવેલ ફરિયાદ આધારે પોલીસે ટ્રક ટેન્કરના ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે.
