હળવદના કડીયાણા ગામે ગોળાઈમાં બાઇક સ્લીપ થતાં માથામાં ગંભીર ઇજા પામેલા યુવાનનું સારવારમાં મોત

હળવદના કડીયાણા ગામે રહેતો યુવાન બાઈક લઈને ગામ નજીક આવેલ દૂધની ડેરી પાસે રોડ ઉપર ગોળાઈમાંથી પસાર થઈ રહ્યો હતો ત્યારે કોઈ કારણસર તેનું બાઈક સ્લીપ થયું હતું અને અકસ્માત થયો હતો જે બનાવમાં બાઇક ઉપર જઈ રહેલા યુવાનને માથાના ભાગે ગંભીર ઇજા થઈ હતી જેથી તેનું મોત નીપજયું હતું જે બનાવની મૃતક યુવાનના પિતાએ હળવદ તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.

હળવદના કડીયાણા ગામે રહેતો વિપુલભાઈ હરજીભાઈ વઢરકિયા (27) નામનો યુવાન પોતાનું બાઈક નંબર જીજે 36 એએમ 8280 લઈને ગત તા. 12/2 ના રોજ બપોરના ત્રણેક વાગ્યાના અરસામાં કડીયાણા ગામે રોડ પાસે આવેલ દૂધની ડેરી નજીકથી પસાર થઈ રહ્યો હતો ત્યારે કોઈ કારણોસર તે યુવાને પોતાના બાઇકના સ્ટેરીંગ ઉપરથી કાબુ ગુમાવી દેતા તેનું બાઇક સ્લીપ થઈ ગયું હતું અને અકસ્માતનો બનાવ બનેલ હતો જેમાં વિપુલભાઈને માથાના ભાગે ગંભીર ઇજા થઈ હોવાથી તેને સારવાર માટે લઈ ગયા હતા અને ચાલુ સારવાર દરમિયાન ગઈકાલે સાંજે 6:00 વાગ્યાના અરસામાં તેનું મોત નીપજ્યું હતું જેથી આ બનાવની મૃતક યુવાનના પિતા હરજીભાઈ સોમાભાઈ વઢરકિયા (50) રહે. કડીયાણા વાળાએ હળવદ તાલુકા પોલીસ સ્ટેશન ખાતે જાણ કરતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે

બાળક એરંડાના બી ખાઈ ગયો

હળવદ તાલુકાના ચરડવા ગામે રહેતા પિતાંશુ બાંભણિયાનો 5 વર્ષનો દીકરો પ્રિયાંશ ભૂલથી એરંડાના બી ખાઈ ગયો હતો જેથી કરીને તેને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી છે 

ઝેરી દવા પી લેતા સારવારમાં

મૂળ એમપીના રહેવાસી અને હાલમાં મોરબીના ઊંચી માંડલ ગામ પાસે આવેલ મેક્સ ગ્રેનાઇટ પાસે રહેતા ગીતાબેન રાજારામ ઠાકૂર (65) નામના વૃદ્ધા કોઈ કારણોસર ઝેરી દવા પી લેતા તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપીને આ બનાવની પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે 

મારામારીમાં ઇજા

મોરબી તાલુકાના મકનસર ગામે રહેતા રવિભાઈ દિનેશભાઈ દંતેશરિયા (24) નામના યુવાનને રફાળેશ્વર ગામે યોજાયેલ મેળામાં મારામારીના બનાવમાં ઇજા થઈ હતી જેથી તેને સારવાર માટે સિવિલ હોસ્પિટલે લઈને આવ્યા હતા અને ત્યાં તેને સારવાર આપીને આ બનાવની પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે