મોરબી સીટી એ ડિવિઝનમાં નોંધાયેલ પશુ સંરક્ષણ અધિનિયમ સહિતની કલમ હેઠળના ગુનામાં નાસતા ફરતા આરોપીને એલ.સી.બી.ની ટીમે ઝડપી લીધેલ છે જો કે, નાની મોલડી (આણંદપુર) પોલીસ મથકના દારૂના ગુનામાં નાસતા ફરતા આરોપીને મોરબી સીટી એ ડીવીઝન પોલીસે ઝડપી લીધેલ છે.

મોરબી એલસીબીના પીઆઇ ની સૂચના મુજબ સ્ટાફ કામ કરી રહ્યો હતો તેવામાં ખાનગી રાહે હકીકત મળેલ હતી કે, મોરબી સીટી એ ડિવિઝન પોલીસ સ્ટેશનમાં પશુ સંરક્ષણ અધિનિયમ સહિતની કલમ હેઠળ નોંધાયેલ ગુનામાં નાસતો ફરતો આરોપી સીકંદર ગફાર સંધવાણી રહે. માળીયા (મીં) વાળો હાલે માળીયા વાગડીયા ઝાપા પાસે છે જેથી એલસીબીની ટીમે ત્યાંથી નાસતા ફરતા આરોપી સિકંદર ગફાર સંધવાણી (31) રહે.માળીયા(મિં.) વાળો મળી આવેલ હતો જેથી તેને પકડીને મોરબી એ ડિવિઝન પોલીસ સ્ટેશન ખાતે સોપી આપેલ છે.

મોરબી સીટી એ ડીવીઝન પોલીસ ટીમ પેટ્રોલિંગમાં હતી ત્યારે નાની મોલડી (આણંદપુર) પોલીસ મથકમાં પ્રોહીબીશન ગુનામાં સંડોવાયેલ આરોપી ઇમરાન મામદ પલેજા (35) રહે.કાલિકા પ્લોટ મોરબી વાળો હાલ મોરબી કાલિકા પ્લોટમાં હોવાની બાતમી મળી હતી જેથી એ ડીવીઝન પોલીસ દ્વારા તેને પકડીને આગળની કાર્યવાહી અર્થે નાની મોલડી પોલીસ મથકને સોપવામાં આવેલ છે.