પાયલોટિંગ સાથે અબોલજીવને કતલખાને લઈ જવાનો મામલો: મોરબીમાં રાજકોટના બે સહિત 5 શખ્સો સામે ગુનો નોંધાયો, 4.51 લાખનો મુદામાલ કબ્જે

કચ્છ બાજુથી  માળીયા થઈને મોરબી તરફ આવી રહેલા વાહનામાં ક્રૂરતાપૂર્વક અબોલજીવને બાંધીને કતલખાને લઈ જવામાં આવી રહ્યા છે તેવી માહિતી મોરબીના ગૌરક્ષકોને મળી હતી જેથી વાહનની વોચ રાખવામા આવી હતી અને મળેલ બાતમી મુજબના વાહનનો પીછો કરીને મોરબીની દલવાડી ચોકડી પાસે અશોક બડા દોસ્ત ગાડીને રોકીને પોલીસની હાજરીમાં ચેક કરી હતી ત્યારે તેમાંથી કતલખાને લઈ જવાતા 17 પાડા મળી આવ્યા હતા જેથી પાડા અને વાહન મળીને 4.51 લાખનો મુદામાલ કબ્જે કર્યો હતો અને હાલમાં મોરબી એ ડિવિઝન પોલીસ સ્ટેશન ખાતે 5 શખ્સોની સામે ગુનો નોંધાયો છે.

વિશ્વ હિન્દુ પરિષદ, બજરંગ દળ, અખિલ વિશ્વ ગૌસંવર્ધન પરિષદ દિલ્હી ગુજરાત, હિન્દુ યુવા વાહિની ગૌરક્ષાને બાતમી મળી હતી કે, કચ્છથી મીતાણા બાજુ કતલ કરવાના ઇરાદે 17 અબોલજીવને અશોક બડા દોસ્ત ગાડી નંબર જીજે 36 વી 3801 ગાડીમાં ભરીને લઈ જવામા આવી રહ્યા છે જેથી કરીને ગૌરક્ષકની ટિમ દ્વારા વોચ રાખવામા આવી હતી અને મળેલ બાતમી મુજબની ગાડીનો પીછો કરીને મોરબી બાયપાસ રોડ ઉપર આવેલ દલવાડી સર્કલ નજીક રોકવામાં આવી હતી અને પોલીસની હાજરીમાં તે ગાડીને ચેક કરવામાં આવતા તેમાંથી ક્રૂરતાપૂર્વક બાંધેલી હાલતમાં 17 પાડા મળી આવ્યા હતા જેથી કરીને વાહન ચાલકની પૂછપરછ કરતા તેની પાસે કોઈ પણ પરમિટ ન હોવાનું સામે આવ્યું હતું અને કચ્છથી ભરેલા અબોલજીવને રાજકોટ ભાવિન પટેલને ત્યાં અને તેનો સાથી અરમાન અને આશિફ રહે. રાજકોટ ઉતારવાના હતા અને તે બંને સાથે પોત પોતાની ગાડી લઈને પાયોટીંગ આપતા  હતા અને જે પૈકીની એક કાર ભાવિન પટેલ અને બીજી કાર અરમાન ચલાવી રહ્યો હતો જે તે સમયે પોલીસે પાડા ભરેલા વાહન સાથે અનવર સલીમભાઈ શેખને પકડીને 51 હજાર રૂપિયાની કિંમતના પાડા તથા 4 લાખ રૂપિયાની કિંમતનું વાહન આમ કુલ મળીને 4,51,000 ની કિંમતનો મુદ્દામાલ કબ્જે કર્યો હતો અને આ બનાવ સંદર્ભે મોરબીના પીપળી ગામે રહેતા વૈભવભાઈ જીતેશભાઈ ઝાલરીયાએ મોરબી એ ડિવિઝન પોલીસ સ્ટેશન ખાતે અનવર સલીમભાઈ શેખ રહે. રણછોડનગર મોરબી, ફરહાન ઉર્ફે તોફિક અનવરભાઈ પીલુડિયા રહે. ટંકારા, અરમાન કુરેશી રહે. રાજકોટ, સાહિલ કુરેશી રહે.રાજકોટ તથા ભાવિનભાઈ ઘનશ્યામભાઈ પટેલ રહે.રાજકોટ વાળાની સામે ફરિયાદ નોંધાવેલ છે જેના આધારે પોલીસે ગુનો નોંધીને આગળની રાબેતા મુજબની કાર્યવાહી હાથ ધરી છે.