મોરબીમાં ઇમ્પેક્ટ ફીના કાયદા હેઠળ ૧૨૪ બાંધકામો રેગ્યુલરાઇઝ કરાયા: ૫૦ બાંધકામોની અરજી મંજૂર
SHARE
JOIN OUR GROUP
મોરબીમાં ઇમ્પેક્ટ ફીના કાયદા હેઠળ ૧૨૪ બાંધકામો રેગ્યુલરાઇઝ કરાયા: ૫૦ બાંધકામોની અરજી મંજૂર
મોરબી મહાનગરપાલિકા અસ્તિત્વમાં આવી ત્યાં પછી અનધિકૃત બાંધકામોને નિયમિત કરવા માટેની જે અરજીઓ આવેલ છે તેમાંથી ૧૨૪ અનધિકૃત બાંધકામોને નિયમિત કરી આપવામાં આવેલ છે અને ટાઉન પ્લાનિંગ શાખા દ્વારા વિકાસ પરવાનગી માટેની અરજીઓમાંથી ૫૦ અરજીઓની ચકાસણી કરીને મંજૂરી આપવામાં આવેલ છે.
મોરબી મહાનગરપાલિકા દ્વારા બાંધકામ મંજૂર તથા અમલી વિકાસ યોજનામાં વિકાસ પરવાનગી તથા ઇમ્પેક્ટ ફીના કાયદા અંતર્ગત અનધિકૃત બાંધકામોને નિયમિત (Regularize) કરવાની કામગીરી કરવામાં આવી રહી છે. જે અનુસંધાને મોરબી મહાનગરપાલિકાની ટાઉન પ્લાનિંગ શાખા દ્વારા મહાનગરપાલિકા બન્યા પછીથી અત્યાર સુધી મળેલ તમામ અરજીઓનું નિયમો મુજબ ટેકનિકલ ચકાસણી કરેલ છે. આ પ્રક્રિયા દરમિયાન યોગ્ય માપદંડ પૂર્ણ કરતી અરજીઓ પર જરૂરી કાર્યવાહી કરવામાં આવી છે. અને અત્યાર સુધીમાં વિકાસ યોજના વિસ્તારની અરજીઓમાંથી કુલ ૧૨૪ અનધિકૃત બાંધકામોને નિયમિત કરવાની અરજીઓને રેગ્યુલરાઇઝ કરી આપવામાં આવેલ છે. અને ટાઉન પ્લાનિંગ શાખા દ્વારા વિકાસ પરવાનગીઓની કુલ ૫૦ અરજીઓની ચકાસણી કરીને મંજૂરી આપવામાં આવેલ છે. અને ભવિષ્યમાં આવનારી અરજીઓ ઉપર પણ પારદર્શક રીતે કાર્યવાહી કરવામાં આવશે અને તમામ અરજીઓનો ઝડપથી નિકાલ કરવામાં આવશે.
