મોરબીના યુવાન સહિત 34 લોકો સાથે વિઝા-એર ટિકિટના નામે 14.89 લાખની છેતરપિંડી

મોરબીથી 34 લોકોને ઉમરાહ પર જવું હતું જેથી કરીને અમદાવાદના એક શખ્સને વિઝા કઢાવવાનું કામ 4.65 લાખ રૂપિયામાં અપાયું હતું જો કે, સમયસર વિઝા કઢાવી આપવામાં આવેલ ન હતા જેથી કરીને યુવાન સહિત કુલ 34 લોકોને એર ટિકિટમાં નુકશાની ગયેલ છે જેથી કરીને યુવાને કુલ 14.89 લાખની છેતરપિંડી અને વિશ્વાસઘાતની ફરિયાદ નોંધાવતા પોલીસે ગુનો નોંધીને આરોપીને પકડવા માટે ચકોગતિમાન કરેલ છે.

મોરબીના વાવડી રોડ પર આવેલ લોમજીવન પાર્કમાં રહેતા સર્ફરાજ આલારાખાભાઈ દલવાણીએ એ ડિવિઝન પોલીસ સ્ટેશન ખાતે મહમદજુનેદ મહમદયુસુફ શેખ રહે. જુહાપુરા અમદાવાદ વાળા સામે વિશ્વાસઘાત અને છેતરપિંડીની ફરિયાદ કરી છે જેમાં જણાવ્યુ છે કે, વર્ષ 2022 માં આરોપીએ અમદાવાદ એરપોર્ટ ઉપર ફરીયાદીને વિશ્વાસમાં લઇ વિઝા લેવા માટેનું કહ્યું હતું અને વર્ષ 2025 માં ફરીયાદી પાસેથી કુલ 34 લોકોના વિઝા કરવા માટે 4.65 લાખ રૂપિયા લીધા હતા જો કે, રોકડા રૂપિયા લઈ લીધેલ હોવા છતાં પણ સમયસર વિઝા ન કરાવી આપીને ફરીયાદીને એર ટીકીટના 10,24,800 ની નુકશાની કરાવી છે અને ફરીયાદીને ખોટા બનાવટી વિઝાની પી.ડી.એફ. વ્હોટ્સએપમાં મોકલાવીને ફરીયાદી તથા અન્ય લોકોને ઉમરાહ કરીને અમદાવાદ એરપોર્ટ ઉપર આવ્યા ત્યારે ફોન ઉપર દોઢ લાખ રૂપીયા આપી દેજો નહીતર એરપોર્ટની બહાર નહી નીકળી શકો તેવી ધમકી આપી હતી જેથી ભોગ બનેલા વ્યક્તિની ફરિયાદ લઈને પોલીસે ગુનો નોંધીને આરોપીને પકડવા માટેની તજવીજ શરૂ કરી છે.