મોરબીના નવાગામેથી મહિલા ગુમ
SHARE
JOIN OUR GROUP
મોરબીના નવાગામેથી મહિલા ગુમ
મોરબી તાલુકાના નવાગામ ખાતે રહેતા હિરાભાઇ વજાભાઇ હડગરા (ઉ.વ.37) નામના રબારી યુવાનના પત્ની ભાવનાબેન વજાભાઇ રબારી ગત તા.21-4ના રોજ સાંજના ઘરે કોઇને કંઇ કહ્યા વગર ક્યાંક ચાલ્યા ગયા હોય પરિવારે ઘરમેળે શોધખોળ કરી હતી છતાં ભાવનાબેનનો પત્તો ન લાગતા હિરાભાઇએ તાલુકા પોલીસ મથકે જાણ કરી હતી. જેથી સ્ટાફમાં એ.એચ. પરમારે ગુમ થયેલા ભાવનાબેનની શોધખોળ હાથ ધરેલ છે.
યુવાન રાજકોટ ખસેડાયો
સામાકાંઠે મહારાણા પ્રતાપ સર્કલ પાસેના ગુ.હા. બોર્ડમાં રહેતા યોગીરાજસિંહ વિક્રમસિંહ ઝાલા (34)ને અત્રેની સિવિલે સારવાર માટે રાજકોટ ખસેડાયો હોવાનું પોલીસ સુત્રોએ જણાવેલ છે, જ્યારે સામાકાંઠે આવેલા રામકૃષ્ણનગરમાં રહેતા વિજય દેવરામભાઇ કુકાવા નામના 27 વર્ષના યુવાને કોઇ કારણોસર તેના ઘરે ફિનાઇલ પી લેતા સારવાર માટે સિવિલ હોસ્પીટલે ખસેડાયો હતો. તેમજ જેતપર રોડ રંગપર ગામ નજીકના સનફેમ સિરામીક પાસે બનેલા મારામારીના બનાવમાં ઇજા પામેલા રાજુ આત્મારામ માલવી (36)ને સારવાર માટે લવાયો હતો.
બાળકી સારવારમાં
રાજપર ગામ પાસે પ્રિયંકા પ્રવિણભાઇ પરમાર (3, રહે. રફાળેશ્ર્વર) નામની બાળકીને રોડ ઉપર અજાણ્યા વાહનના ચાલકે હડફેટે લેતા સિવિલે લાવવામાં આવી હતી. જ્યારે મહેન્દ્રનગર ગામે રહેતો કમલેશ વાલજીભાઇ બોપલીયા (43) નામનો યુવાન કોઇ કારણોસર ઘુટું રોડ શ્યામ પાર્ક ખાતે દવા પી ગયો હોય તેને સારવાર માટે લઇ જવાતા પોલીસે નોંધ કરી તપાસ કરી હતી
