મોરબીમાં ઘરેથી નીકળી ગયેલ  મહિલાનું અભયમની ટીમે પરિવાર સાથે મિલન કરાવ્યુ

મોરબીમાં અભયમ મહિલા હેલ્પલાઇનમાં એક જાગૃત નાગરિકે ફોન કર્યો હતો કે, એક અજાણી મહિલા ઘણા સમયથી એકલા બેઠી છે અને પૂછપરછ કરતા સરખા જવાબ આપતી નથી જેથી તાત્કાલિક અભયમની ટિમ તે મહિલા પાસે પહોચી હતી

અભયમ ટીમના કાઉન્સિલર પટેલ સેજલબેન, મહિલા કોન્સ્ટેબલ ખ્યાતિબેન તથા પાયલોટ રબારી વિરમભાઈ તાત્કાલિક ઘટના સ્થળે પહોંચ્યા હતા  અને ત્યાં જઈને મહિલાને સાંત્વના આપી હતી અને સંવેદનશીલતાપૂર્વક કાઉન્સિલિંગ કરતા તેઓ ક્યાં રહે છે ? ક્યાંથી આવ્યા ? વગેરે પૂછવાના ઘણા પ્રયત્નો બાદ  મહિલાના પરિવારનો સંપર્ક થયો હતો અને ટીમ ત્યાં પહોંચી હતી અને મહિલાના પરિવારજનોની પૂછપરછ કરતા પરિવારજનોએ જણાવ્યુ હતું કે, મહિલા માનસિક અસ્વસ્થ છે અને ઘરેથી કોઈને જાણ કર્યા વગર અચાનક નીકળી ગઈ હતી અને તે મહિલાને તેના પરિવારજનો શોધી રહ્યા હતા. હાલમાં અભયમની ટીમે મહિલાનું તેના પરીવાર સાથે મિલન કરાવ્યુ છે.