મોરબી નજીક આઈપીએલની મેચ ઉપર જુગાર રમતા એક પકડાયો, એકની શોધખોળ
Morbi Today
હળવદના ધુળકોટ ગામ નજીક છકડો રિક્ષાના ચાલકે બાઇકને હડફેટે લેતા ઇજા પામેલ દંપતી સારવારમાં
SHARE
JOIN OUR GROUP
હળવદના ધુળકોટ ગામ નજીક છકડો રિક્ષાના ચાલકે બાઇકને હડફેટે લેતા ઇજા પામેલ દંપતી સારવારમાં
હળવદ તાલુકાનાં ધુળકોટ ગામથી ઘાટીલા ગામ તરફ જવાના રસ્તા ઉપરથી દંપતી તેના બાઈકમાં પસાર થઈ રહ્યું હતું ત્યારે છકડો રીક્ષાના ચાલકે બાઇકને હડફેટે લેતા અકસ્માતનો બનાવ બનેલ હતો જે બનાવમાં દંપતીને ઇજા થઈ હતી જેથી કરીને ઇજા પામેલ દંપતીને સારવાર માટે હોસ્પિટલે લઈને આવ્યા હતા અને આ બનાવની સંદર્ભે મહિલાએ માળીયા તાલુકા પોલીસ સ્ટેશન ખાતે ફરિયાદ નોંધાવેલ છે.
હળવદ તાલુકાના સુરવદર ગામે રહેતા સંગીતાબેન મહેશભાઈ ગડેસિયા (37)એ હાલમાં માળિયા તાલુકા પોલીસ સ્ટેશન ખાતે રજનીભાઈ બાબુભાઈ ધોરકડિયા રહે. સુરવદર વાળા સામે ફરિયાદ નોંધાવેલ છે જેમાં જણાવ્યું છે કે, ધુળકોટ ગામથી ઘાટીલા ગામ તરફ જવાના રસ્તા ઉપર આવેલ મામાદેવના મંદિરથી થોડે આગળના ભાગમાં ફરિયાદી મહિલા તેના પતિ મહેશભાઈ ગડેશીયાના બાઇક નંબર જીજે 36 એન 2619 માં બેસીને પસાર થઈ રહ્યા હતા ત્યારે આરોપી તેની છકડો રીક્ષા લઈને સામેથી આવી રહ્યા હતા અને તેણે ફરિયાદીના પતિના બાઇકને હડફેટે લેતા અકસ્માતનો બનાવ બન્યો હતો જે બનાવમાં ફરિયાદી મહિલાને જમણા ખભામાં અને કમરના ભાગે ઇજા થયેલ હતી અને તેના પતિને જમણા હાથ અને જમણા પગમાં ફ્રેક્ચર જેવી ઇજા થયેલ છે અને અકસ્માત સર્જીને આરોપી તેનો છકડો રીક્ષા લઈને નાસી ગયેલ હોય આ બનાવ સંદર્ભે હાલમાં મહિલાએ નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે.
