ટંકારાના નેકનામ પાસે કારખાનામાં ઈલેક્ટ્રીક શોટ લગતા યુવાનનું મોત

ટંકારાના નેકનામ પડધરી રોડ ઉપર આવેલ સાહેબ ફાઇબર્સ નામના કારખાનામાં રાત્રિના સમયગાળા દરમિયાન યુવાન કામગીરી કરી રહ્યો હતો ત્યારે તેને ઈલેક્ટ્રીક શોટ લાગ્યો હતો જેથી કરીને તે યુવાનને સરકારી હોસ્પિટલ ખાતે લઈ ગયા હતા અને ત્યાં ફરજ પરના ડોક્ટર તેને જોઈ તપસીને મૃત જાહેર કર્યો હતો અને આ બનાવની ટંકારા તાલુકા પોલીસ સ્ટેશન ખાતે જાણ કરવામાં આવી છે

મૂળ બિહારનો રહેવાસી અને હાલમાં ટંકારા તાલુકાના નેકનામ ગામની સીમમાં આવેલ સાહેબ ફાઇબર્સ નામના કારખાનાના ક્વાર્ટરમાં રહેતો અને મજૂરી કામ કરતો કેવલકુમાર સુરેન્દ્રભાઈ સદાય (20) નામનો યુવાન કારખાનામાં નાઈટ સ્ફિટમાં નોકરી કરી રહ્યો હતો ત્યારે ફિલ્ટર પ્રેસમાં પાણીની સફાઈ કરતા સમયે ઇલેક્ટ્રીક શૉટ લાગવાના કારણે તે યુવાનને તાત્કાલિક પડધરી ખાતે આવેલા સરકારી દવાખાને લઈ ગયા હતા અને ત્યાં ફરજ પરના ડોક્ટરે તેને જોઈ તપાસીને મૃત જાહેર કર્યો હતો અને આ બનાવની ટંકારા તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે