મોરબીના રવાપરમાં આવેલ આધ્યા હાઈટ્સના ફલેટમાં જુગાર રમતા 8 શખ્સ 7.20 લાખની રોકડ સાથે ઝડપાયા

મોરબીના રવાપર ગામે આવેલ શક્તિ ટાઉનશીપ આધ્યા હાઈટ્સ બ્લોક નંબર 204 માં રહેતા શખ્સનાં ઘરની અંદર જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે ઘરમાંથી ઘરધણી સહિત કુલ આઠ શખ્સો જુગાર રમતા મળી આવ્યા હતા જેથી કરીને પોલીસે તેની પાસેથી 7.20 લાખ રૂપિયા રોકડા કબજે કરી હતી અને મોરબી એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધીને આગળની કાર્યવાહી હાથ ધરી છે.

મોરબી એ ડિવિઝન પોલીસની ટીમ પેટ્રોલિંગમાં હતી ત્યારે મોરબીના રવાપર ગામે આવેલ શક્તિ ટાઉનશીપ આધ્યા હાઇટ્સ બ્લોક નંબર 204 માં રહેતા રસિકભાઈ ફેફરના રહેણાંક મકાનમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા ઘરધણી રસિકભાઈ ગણેશભાઈ ફેફર તથા પ્રકાશભાઈ વશરામભાઇ ફેફર રહે. આલાપ રોડ અમીધારા એપાર્ટમેન્ટ મોરબી, ભરતભાઈ ગોરધનભાઈ સવસાણી રહે. અવની ચોકડી સોહમ પેલેસ મોરબી, જયંતીલાલ ગાંડુભાઇ ઠોરીયા રહે. બાયપાસ ધર્મ લાભ સોસાયટીના નાકે સરદાર પેલેસ મોરબી, મીઠાલાલ મનજીભાઈ ફેફર રહે. પંચાસર રોડ રાજનગર હનુમાન મંદિર પાસે મોરબી, યોગેશભાઈ ભીમજીભાઇ અમૃતિયા રહે. સતનામનગર ચંદ્રેશનગર પાછળ કેસરી હાઇટ્સ મોરબી, ગણેશભાઈ નરભેરામભાઇ ફેફર રહે. ઉમિયા સર્કલ પાસે તપોવન સોસાયટી ઓમ પાર્ક મોરબી અને પ્રભુભાઈ સુંદરજીભાઈ ભાલોડીયા રહે. ચાચાપર વાળા જુગાર રમતા મળી આવ્યા હતા જેથી પોલીસે તેની પાસેથી 7.20 લાખ રોકડ કબજે કરી હતી અને મોરબી એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધ આગળની કાર્યવાહી હાથ ધરી છે.